ମାଆ ମନସାଙ୍କ ପୂଜା

ଶିବ ପାର୍ବତୀଙ୍କ ଆଦରର ପୁତ୍ରୀ

ମନସା ଦେବୀ ଅଟନ୍ତି,

ନାଗଙ୍କ ଭଉଣୀ ଶକ୍ତିଶାଳୀ ଦେବୀ

ଭକ୍ତିର ଭକ୍ତି ରଖନ୍ତି ।

ଭାଦ୍ରବ ମାସରେ ମାଆଙ୍କ ପୂଜନ

ଆୟୋଜିତ କରେ ଭକ୍ତ,

ନାନାଦି ନୈବେଦ୍ୟେ ପୂଜନ କରେଟି

ଭକ୍ତିଚିତ ହୋଇ ଭକ୍ତ ।

ମନସାଙ୍କ ନାମ ଗୁଞ୍ଜନ କରେଟି

ଦେବୀଙ୍କର ଜୟକାର,

ଭକ୍ତିପୂର୍ଣ୍ଣ ହୁଏ ପୂଜା ସ୍ଥଳୀ ତାଙ୍କ

ବର୍ଣ୍ଣିବାରେ ଶକ୍ତି କାର ।

ପୁରୋହିତ କରେ ପୂଜା ମାତାଙ୍କର 

ମାତା ମନ୍ତ୍ର ପାଠ କରି,

ଧ୍ୟାନେ ମଗ୍ନ ହୋଇ ବସି ଥାଏ ଭକ୍ତ

ମାତାଙ୍କୁ ଚିନ୍ତନ କରି ।

ଖୁସି ଆନନ୍ଦରେ ଭକ୍ତିପୂର୍ଣ୍ଣ ଭୂମି

ଜୟ ମନସାଙ୍କ ରାବେ୍

ଲକ୍ଷ୍ମୀ ପୂର୍ଣ୍ଣ ହୁଏ ଭକ୍ତଙ୍କର ଗୃହ

ନାଗ ଭଉଣୀଙ୍କ ରାବେ୍ ।

ସର୍ବଶକ୍ତିମାନ ଦେବୀଙ୍କ ଚରଣେ

ଭକ୍ତି ରହୁ ନିତିଦିନ,

ଅଭୟ ଦେବେଟି ଦେବୀ ଠାକୁରାଣୀ

ସେବୁ ଥିବା ପ୍ରତିଦିନ ।

କଷ୍ଟ ଦୂର ହୁଏ ଦେବୀଙ୍କ ସ୍ମରଣେ

ପାପ ଦୂର ହୋଇ ଯାଏ 

ବିପଦ ନ ଆସେ ଜୀବନ ଯାତ୍ରାରେ

ମନବାଞ୍ଛା ପୂର୍ଣ୍ଣ ହୁଏ ।

ସର୍ପଙ୍କ ଦଂଶନ ଜୀବନେ ନ ହୁଏ

ଶତ୍ରୁ ଭୟ ନୂହେ କେବେ,

ବିଜୟ ହୁଅଇ କର୍ମପଥେ ସେହୁ

ଆଦର୍ଶ ହୂଏ ସେ ଭବେ ।

ମାତାଙ୍କର ଭକ୍ତି ଜୀବନର ଗଣ୍ଠି

ବାନ୍ଧି ଥିବା ନିତ୍ୟେ ପଥେ,

ମନସାଙ୍କ ଭକ୍ତି ନିତ୍ୟେ କରୁଥିବା

ହେବ ଆଶିର୍ବାଦ ପଥେ ।

ଶିବ ପାର୍ବତୀଙ୍କ ଆଦରର ପୁତ୍ରୀ

ମନସା ଦେବୀ ଅଟନ୍ତି,

ନାଗଙ୍କ ଭଉଣୀ ଶକ୍ତିଶାଳୀ ଦେବୀ

ଭକ୍ତିର ଭକ୍ତି ରଖନ୍ତି ।