ଆସରେ କୁନା ଆସରେ ମୁନା
ଆସରେ କୁନା ଆସରେ ମୁନା
ଶିଶୁ ଓ କିଶୋର ମାନଙ୍କ ପାଇଁ କବିତାଟିଏ
ଆସରେ କୁନା ଆସରେ ମୁନା
ହୋଇବା ଆମେ ମେଳ
ହସି ହସିକା ନାଚି ନାଚିକା
ଖେଳିବା ଆମେ ଖେଳ ll
ବଣ ବୁଦାରୁ ବୁଲି ବୁଲିକା
ତୋଳିବା ଆମେ କୋଳି
ଆମ ଗାଆଁର ବର ଓହଳେ
ଖେଳିବା ଯାଇ ଦୋଳି ll
ଛପି ଛପିକା ଧରିବା ଆମେ
ଟିକି ପରଜାପତି
ଚୋର ପୁଲିସ୍ ଖେଳ ଖେଳିବା
ହୋଇଣ ଆମେ ସାଥୀ ll
ବେଳ ବୁଡ଼ିଲେ ଖେଳ ସାରିଣ
ଘରକୁ ଯିବା ଧାଇଁ
ସନ୍ଧ୍ୟା ପ୍ରାର୍ଥନା କରିବା ବସି
ସଞ୍ଜ ଆସିଲେ ନଇଁ ll
ସଞ୍ଜ ସକାଳେ ପିତା-ମାତାଙ୍କୁ
ପ୍ରଣାମ କଲେ ନିତି
ସଂସାରେ ହେବା ଜଗତ ଜିତା
ସବୁକୁ ଯିବା ଜିତି ll
ପ୍ରାର୍ଥନା ସାରି ଏକ ମନରେ
ପାଠ ପଢିବା ବସି
ଗୁରୁଜନଙ୍କ କଥା ମାନିବା
ଯିବାନି କେବେ ରୁଷି ll
ପାଠ ପଢ଼ିଣ ବଡ଼ ମଣିଷ
ଆମେରେ ସବୁ ହେବା
ଗାଆଁ ମାଟିର ଦେଶ ଜାତିର
ଟେକ ରଖିଣ ଯିବା ll