ପ୍ରିୟତମା

ହେ ମୋ ମଉନାବତୀ ପ୍ରିୟା

ତୁମ ଅନନ୍ୟା ଅବଙ୍ଗୁଠନରେ ମୁଁ ମ୍ରିୟମାଣ

ତୁମ ଲଜ୍ଜା ଓ କ୍ରୀଡାଭରା ମାନଚିତ୍ରରେ ମୁଁ ମୂର୍ତ୍ତିତ

ତୁମ ଗୋଲାପୀ ମଂଡର କାନ୍‌ସ୍‌ରେ ମୁଁ ଚିତ୍ରିତ

ତୁମ କଥାକୁଆ ଆଖିର ଆକର୍ଷଣରେ ମୁଁ ରୋମାଂଚିତ

ତୁମ ଅକୁହା କଥାର ସାଂକେତିକତାରେ ମୁଁ ବିମୋହିତ

ତୁମ ବେଦନାସିକ୍ତ ମାନସିକତାରେ ମୁଁ ମର୍ମାହତ

ତୁମ ହସୁଆ ଓଠ ର ଲାଲିତ୍ୟରେ ମୁଁ ସୁରଭିତ

ତୁମ ମନ ମଲ୍ଲୀର ବାସନା ବିଦଗ୍‌ଧ ସୌରଭରେ ମୁଁ ଆହ୍ଲାଦିତ

ତୁମ ଚପଳା, ଚଳ-ଚଂଚଳା ପ୍ରକୃତିରେ ମୁଁ ହତଚକିତ

ତୁମ କାଳଜୟୀ, ଋତୁପର୍ଣ୍ଣା ରୂପ ଗୁଣରେ ମୁଁ ସଂଜିତ

ତୁମ ଯୁଗସଂଧୂର ମାହଂଦ୍ର ବେଳା ଏବେ ଉପଗତ

ଏବେ ତୁମ ଅନୁମୋଦନ ଅପେକ୍ଷାରେ ଏ ପ୍ରେମଭିକ୍ଷା

ତୁମ ଅନୁଶୀଳନର ପରୀକ୍ଷାରେ ଏ ପଥ ଯାତ୍ରା

ତୁମ ସୁରମ୍ୟ ସଂପର୍କର ପୃଥକ୍ ଏକ ପରିଭାଷା

ଏ ବିଚରା ଦିଗହରା ନାବିକ ଦିଗଭ୍ରଷ୍ଟ ଶାମୁକା ।।