ପ୍ରୀତିଲଗ୍ନା
ପ୍ରୀତିଲଗ୍ନା
ସିତାର ସହନଶୀଳତା ଓ ଯାଜ୍ଞସେନୀର ମୁକୁଳିତ କେଶଗୁଚ୍ଛରେ
ପ୍ରଜ୍ୱଳିତ ହୋଇଥାଏ ନାଇଟିଂଗଲ୍ର ଲଂପ୍
ମୈତ୍ରେୟୀର ପ୍ରଜ୍ଞା ଓ ଲତାର ସ୍ଵରଲାଜିତ୍ୟରେ ଝକୃତ ହୁଏ
ଭାଟିନାର ଏଡ୍ଚର ଓ ଥେଚର୍ର ଲୌହଶୃଙ୍ଖଳ
ଶ୍ରୀରାଧାଂକ ଦେହାତୀତ ପ୍ରେମରେ ଅନୁରଣିତ ହୁଏ
ହେଲେନ୍ର ଉଦ୍ଧତ ଯୌବନ
ଶଙ୍କୁତଳାର ଅନବରତ ପ୍ରତୀକ୍ଷାରେ ପରିସ୍ଫୁଟ ହୁଏ
ମଦର ମେରୀକ ଅପାପବିଦ୍ଧ ଦ୍ୟୁତି
ଉର୍ମଳାର ତ୍ୟାଗ ଓ ତିତିକ୍ଷାରେ ପ୍ରତିଧ୍ଵନିତ ହୁଏ
ଟେରେସାଂକ ନିଷ୍କାମ ସେବା
ଇଂଦିରାର ଅନମନୀୟ ମାନସିକତାରେ ପ୍ରତିଫଳତି ହୁଏ
ଦଶଭୁଜା ଦୁର୍ଗାକ ଶକ୍ତି, ଶାନ୍ତି ଓ ସଂପ୍ରୀତି
ସାଗରିକା ସୁରସାର ଗର୍ଭଗୃହରୁ ଉଚ୍ଚାରିତି ହୁଏ
ଇଭର ଅନୁଚିତ ଆକାଂକ୍ଷା
ଅଧତିର ତପସ୍ୟା ଓ ମୋନାଲିସାର ହସରେ
ତସ୍ଲିମାର ଲଜ୍ଜା ଆଣିଦିଏ କୋଳାହଳପୂର୍ବ ନୀରବତା
ସର୍ବୋପରି ପ୍ରତିଭାଂକ ପ୍ରତିଭା ବିକଶିତ ହୁଏ ଅର୍ଘ୍ୟଥାଳୀର ଅଳଂକରଣରେ ।।