କାବ୍ୟ ନାୟିକା
କାବ୍ୟ ନାୟିକା
ପ୍ରେୟସୀ ଗୋ ତୁମେ ବଂଶୀର ସୁର ଚନ୍ଦ୍ରଲୋକର ମାୟା
ବର୍ଷା ସଜଳା ବନବୀଧିକାର ସ୍ନିଗ୍ଧ ସବୁଜ ଛାୟା
ନିବିଡ଼ ନିବିଡ଼ ନୟନ ଯୁଗଳ ସତେ କି ପଦ୍ମକଳି
ସେମିତି ଦୁଇଟି ତୀବ୍ର ତାରକା ସେହିଭଳି ସେହିଭଳି ।
ବର୍ତ୍ତୁଳ ତୁମ ବକ୍ଷବନ୍ଧନୀ ଐଶ୍ଚର୍ଯ୍ୟରେ ଭରା
ପାଟଳ ଓଠରେ ହସର ପାଖୁଡ଼ା ମଧୁଭରା ମଧୁଝରା
ଲଜ୍ଜା ଆନତ ମୁହଁର ମୁଦ୍ରା ଶୃଙ୍ଗରଭରା ଠାଣି
ବୀଣା ନିକ୍ଵଣ ନିନ୍ଦେ ଗୋ ତୁମ କଣ୍ଠ ର ସୁରବାଣୀ ।
ବିଧାତା ର ତୁମେ ଶିଳ୍ପଚାତୁରୀ ନିଖୁଣ ଶିଳ୍ପକଳା
ମୋହିନୀ ଅଙ୍ଗେ ହୋଇଛି ସତେ କି ତରଳ ଜ୍ୟୋତ୍ସ୍ନା ଢଳା
ପରଶେ ତୁମର ପୁଷ୍ପବିଲାସ ନିଃଶ୍ୱାସେ ତୁମ ମଧୁ
ସତେ ଅବା ତୁମେ ଅପପବିନ୍ଧା ଅଧୀର ବାଳିକାବଧୂ।