(ନାଲି) ତମେ ଆଉ ମୁଁ
(ନାଲି) ତମେ ଆଉ ମୁଁ
ମୁକ୍ତ ଆକାଶର ଭସା ବାଦଲ ମୁଁ
ତୁମେ ମୃଦୁ ସମୀରଣ
ତୁମ ସଂସ୍ପର୍ଶରେ ଆସିଗଲେ ପ୍ରିୟ
ଦେହେ ଖେଳ ଶୀହରଣ ।
ମୁଁ ହେଲେ ପ୍ରିୟ ଘାସ ଫୁଲ ଟିଏ
ତୁମେ ହୁଅ ଶିଶିର ବିନ୍ଦୁ
ଶୁଖିଲା ପତ୍ର ମୋ ପଲ୍ଲବିତ ହୁଏ
ପାଇଯାଏ ଅବା ସିନ୍ଧୁ ।
ମୁଁ ଯେବେ ହୁଏ ଅଳସୀ ନଈଟେ
ତୁମେ ହୋଇଯାଅ ବିଶାଳ ସାଗର
ଜୀବନ ସଂଧ୍ୟା ମୋ ବିସର୍ଜିତ ହେଉ
ତୁମ ଉଦାର ବକ୍ଷରେ ।
ଅନାବିଳ ଆମ ଏ ପ୍ରେମ ସମ୍ପର୍କ
ରହୁ ଦେହାତୀତ ଯାଏ
ଏହି ଜନ୍ମ ନୁହେଁ ସବୁ ଜନମରେ
ମୁଁ ତୁମପରି ସାଥୀ ପାଏ ।