ପ୍ରିୟତମା ତୁମେ ଆସିଅଛ
ପ୍ରିୟତମା ତୁମେ ଆସିଅଛ
ପ୍ରିୟତମା
ତୁମେ ଆସିଅଛ :
ଗତାୟୁ ମୌସୁମୀର ଲୁଚକାଳି ଖେଳରେ
ରଣଜାଡ ଶୀତର ପହିଲି ସ୍ପର୍ଶରେ
ସମ୍ୟକ, ପୁଲକ, ରୋମାଂଚ ଓ ଶିହରଣରେ ।
ତୁମେ ଆସିଥାଅ :
ଋତୁରାଜ ବସଂତର ବାସନ୍ତୀକ ଆମଂତ୍ରଣରେ
ପତ୍ରଝଡା ଋତୁରେ-କୃଷ୍ଣଚୂଡା ଛିନ୍ନ ସ୍ତବକରେ
ପାର୍ବତ୍ୟ, ଗିରି ଝରଣାର କୁଳୁକୁଳୁ ସ୍ରୋତରେ
ତୁମେ ଆସିଥୁଲ :
ପ୍ରଥମ ଦେଖାର ଚୋରା ଚାହାଣୀରେ
କିଛିଟା ନୀରବିତ ଆଳାପରେ-ଲୁଚାଛପା ଇଶାରାରେ
ପାରସ୍ପରିକ ଆକର୍ଷଣର ଝରା ଶେପାଳୀରେ- ମୃଣ୍ମୟୀ ମାୟାରେ
ତୁମେ ଆସିଅଛ:
ଶୀତରାଜିର ନିଃଶବ୍ଦ ନୀରବତାରେ- ଏକ ଅଳସ ମୁହୂର୍ତର ବିସ୍ଫୋରକ ଉଦ୍ଗୀରଣରେ
ଶୂନଶାନ୍ ରାଜରାସ୍ତାରେ-ଖାଁ-ଖାଁ ପରିବେଶରେ
ଦେଷର ଅପେକ୍ଷିତ ଦାହରେ- ଅନପେକ୍ଷିତ ଉଲ୍ଲାସରେ
ତୁମେ ଆସିବ
ନବ ନିର୍ମାଣର ମାଂଗଳିକ ମୁହୁରତ୍ରେ
ଯୁଗ ପରିବର୍ତନର ମାହେନ୍ଦ୍ର ବେଳାରେ
ସୃଜନଶୀଳତାର ଭିନ୍ନ ଏକ ଦିଗଂତରେ ।।