ପ୍ରିୟତମା ମୋର

ପ୍ରିୟତମା ମୋର ଫୁଲେଇ ଖଣ୍ଡେ

ସିଏ ଲାଜକୁଳୀ ଲତା

କଥା ହେବା ପାଇଁ ମୋରି ସହିତ

 ହୁଏ ତାର ମୁଣ୍ଡ ବ୍ୟଥା ।

କେତେ ମିଠା କଥା କହିବି କହିବି 

ଭାବି ରଖିଥିବି ମନେ

ଏବେ ସମସ୍ତେ ଅଛନ୍ତି କହି ରଖିଦେବ

ବହେ ଗାଳି ଦେବି ମନେ ।

ରାଗିଗଲେ ମୋତେ ଫୋନ୍ କରିକି

ଗେଲ୍ହେଇ କହିବ ଏମିତି

ସିଏ ରସଗୋଲା ମୁଁ ତା ପାଇଁ 

ମିଠା ଦୋକାନ ଟେ ଯେମିତି ।

ଯାହା କିଛି କୁହ ସବୁପରେ ମୋର

ପ୍ରିୟତମା ହୀରା ଖଣ୍ଡେ

କଥା ନହେଲେ ଦିନେ ମୋ ସହ

ରହି ନପାରଇ ଦଣ୍ଡେ ।

ନିଜକୁ ଲୁଚେଇ ଦୁନିଆଁ କୁ ଠକି

କଥା ହୁଏ ମୋ ସହ

ମୋ ପାଖେ ସିନା ଗୁଡ଼ ମିଶା ମହୁ

ଦୁନିଆଁ ଆଗରେ ପୁରା ଖାଣ୍ଟି ଗୁଆଘିଅ ।

ଆସିଥିବ ଯଦି କେବେ ମୋ ସାଥେ

ଫିଲ୍ମୀ ଦେଖି କି ବୁଲି 

 କନ କନ ହୋଇ ମୁହଁ କୁ ଲୁଚେଇ

କହେ ଚାଲ ଯିବା ଆମେ ଚାଲି ।

ବହୁତ ରଙ୍ଗେଇ ମୋରି ପ୍ରିୟା

କହିବି କି କଥା ତାର

ସିନ୍ଦୂର ପିନ୍ଧିନି ତଥାପି ଖାଏନି

ନ ସରିଲେ ଖାଇବା ମୋର ।

ଯେତେ ଯା କହିଲେ ଦୁନିଆଁ ରେ କେହି

ହେବେ ନାହିଁ ତା ସମ

ଇଶ୍ଵର କରନ୍ତୁ ସେହି ଏକା ସାଥି

 ମିଳୁଥାଉ ପ୍ରତିଜନ୍ମ ।

ତାରି କୋଳରେ ମଥା ରଖି

ବିତୁ ଥାଉ ଜହ୍ନ ରାତି

ତା ଆଞ୍ଜୁଳାରେ ହାତ ରଖି 

ଝରୁଥାଉ ଏଇ ପ୍ରିତି ।