ପ୍ରିୟତମ ପ୍ରିୟା ପ୍ରଣୟିନୀ

ଅପେକ୍ଷାର ରାତି ବଢ଼ି ବଢ଼ି ଚାଲେ

ଦିଶିଲାନି କାହିଁ ଚାରୁ ଚନ୍ଦ୍ରମୁଖ ,

ବିରହିଣୀ ପ୍ରିୟା ଲୋଟିଛି ଶେଯରେ

ଜଳାଞ୍ଜଳି ଦେଇ ନିଜ ସାରା ସୁଖ 

  ପ୍ରିୟତମ ପ୍ରିୟା ପ୍ରଣୟିନୀ ,

ଶ୍ରାବଣର ଭିଜା ଶୀତଳ ପରଶ

  ଅଙ୍ଗେ ମାଖିଅଛି ବିରହିଣୀ ।

ପ୍ରିୟତମ ପ୍ରୀତି ଭାଙ୍ଗିବ ଅଳସ

ସମାପନ ହେବ ବିଷର କଳସ

ଖେଳିଯିବ ଦେହେ ଚନ୍ଦନର ବାସ

ସମାପନ ହେବ ଅପେକ୍ଷାର ରୋଷ

 ପ୍ରିୟତମ ପ୍ରିୟା ପ୍ରଣୟିନୀ

ବିଷ ପିଆଲାରେ ଭରିବ ପୀୟୂଷ

  ଝୁରିବନି ଆଉ ବିରହିଣୀ।