ପ୍ରିୟାର ଓଢଣୀ
ପ୍ରିୟାର ଓଢଣୀ
ଅତି ହିଁ ସୁନ୍ଦର ପ୍ରିୟାର ଓଢଣୀ
ଚହଳ ଗୃହକୁ କରେ,
ମହୁ ଥାଏ ମନ ଗୁରୁଜନଙ୍କର
ସେବା ଭକ୍ତି ନିତ୍ୟେ କରେ ।
ଓଢଣା ଦେଇଣ ସଞ୍ଜ ଓ ସକାଳେ
ଶାଶୁ ଶଶୁରଙ୍କୁ ଭକ୍ତି,
ପ୍ରଣାମ କରେଟି ଶାଶୁ ଶଶୁରଙ୍କୁ
ତାହାର ଅପୂର୍ବ ଭକ୍ତି ।
ଏପରି ଘରଣୀ ମିଳି ଅଛି ମତେ
ଓଢଣୀ ତା ଭଲ ଲାଗେ,
ପ୍ରିୟାର ଓଢଣୀ ମନମୋହନଟି
ମୁଖଟି ସୁନ୍ଦର ଲାଗେ ।
ଅତି ହି ଶିକ୍ଷିତ ଗୁଣରେ ସମ୍ପନ୍ନ
ସଂସ୍କୃତି ଟି ତା ପୁରୁଣା,
ଆଧୁନିକ ନାରୀ ଶିକ୍ଷାରେ ନିପୁଣ
କର୍ତ୍ତବ୍ୟରେ ସେ ନିପୁଣା ।
ବିନା ଓଢଣୀରେ ନ ଚାଲେଟି ବାଟ
ମନମୋହୁ ଥାଏ ସର୍ବେ,
ସାଇ ପଡୋଶୀ କରନ୍ତି ଆଦର
ଜ୍ଞାନ ଦେଉ ଥାଏ ସର୍ବେ ।
ପୌରାଣିକ ଶାସ୍ତ୍ରେ ନିପୁଣ ଘରଣୀ
ନୀତି ନିୟମରେ ରୁହେ,
ନାରୀର କର୍ତ୍ତବ୍ୟ ଯେପରି ଟି ଅଛି
ପୂର୍ବ କଥା ସବୁ କୁହେ ।
ନାରୀର କର୍ତ୍ତବ୍ୟ ସ୍ବାମୀ ଭକ୍ତି ସଙ୍ଗେ
ଶାଶୁ ଶଶୁରଙ୍କୁ ସେବେ,
ଓଢଣୀ ଦେଇଣ ନାରୀର କର୍ତ୍ତବ୍ୟ
ଗୃହ ଜନକଙ୍କୁ ସେବେ ।
ସଂସ୍କାର ଦିଅଇ ସନ୍ତାନକୁ ଆମ
ସତ୍ୟପଥଗାମୀ ପାଇଁ,
ଶିକ୍ଷା ଦିଏ ତହିଁ ଆଧୁନିକତାର
ଆତ୍ମନିର୍ଭରଟି ପାଇଁ ।
ଗୀତାର ବଚନ କୁହେଟି ସନ୍ତାନେ
ନିତ୍ୟେ ଭକ୍ତିପୂର୍ଣ୍ଣ ଚିତେ,
ଗୃହଜନ ସବୁ ଶୁଣୁ ଥାନ୍ତି ଏହୁ
ବହୁର ବକ୍ତବ୍ୟ ନିତ୍ୟେ ।
ଓଢଣୀ ତାହାର ଗଡ଼ି ପଡେ କେବେ
ମଥାକୁ ନିଏଟି ଟାଣି,
ପ୍ରିୟାର ଓଢଣୀ ମନ୍ତ୍ର ମୁଗ୍ଧ କରେ
ମନକୁ ନିଏଟି ଟାଣି ।
ଅତି ହିଁ ସୁନ୍ଦର ପ୍ରିୟାର ଓଢଣୀ
ଗୃହକୁ ଚହଳ କରେ,
ମହୁ ଥାଏ ମନ ଗୁରୁଜନଙ୍କର
ସେବା ଭକ୍ତି ନିତ୍ୟେ କରେ ।