ପ୍ରିୟା ତୁମେ

ତୁମ ବିନା ପ୍ରିୟା    ଜୀବନ ଅଧୁରା

    ତୁମେ ମୋର ସବୁକିଛି

ତୁମ ବିନା ସାଥୀ   ସୁଖ ସାତସ୍ୱପ୍ନ

     ପାରିବିନି ଦଣ୍ଡେ ବଞ୍ଚି

     କିଏ ହେବ ତୁମ ପରି

ତୁମେ ଏକା ମୋର    ସବୁଜ ସପନ

      ସରଗ ରାଇଜ ପରୀ ।

ରୂପରାଇଜର    ତୁମେ ଗୋ ଉର୍ବଶୀ

     ତୁମେ ଶାନ୍ତି ଶତଦଳ

ମନ ବଗିଚାର   ସଜ ଗୋଲାପ ମୋ

      ତୁମେ ମଳୟ ସମୀର

       ପ୍ରିୟତମା ଅନୁପମା

ଭରିଦିଅ ପ୍ରେମ     ଆନନ୍ଦ ଉଲ୍ଲାସ

     ତୁମେ ମୋର ସୁଖ ସୀମା ।

ହସିଉଠେ ମୋର   ସୁଖର ସ°ସାର

      କୂଳ ପରିବାର ଘର

ସ୍ୱଚ୍ଛ ମନ୍ଦାକିନୀ    ତଟିନୀ ଗୋ ତୁମେ

      ପ୍ରାଣପ୍ରିୟା ପତ୍ନୀ ମୋର

      ଆତ୍ମିୟତା ଅନୁରାଗ

ନିର୍ଝରେ ଅମୃତ   ଝଲସେ ଆଖିରେ

     ମମତା ସ୍ନେହ ସୋହାଗ ।

ତୁମେ ମୋ ସ୍ପନ୍ଦନ    ଶୀତଳ ଚନ୍ଦନ

      ପ୍ରିତିମୟୀ ସୁହାସିନୀ

ଶାନ୍ତିସୁଧା ତୁମେ    ପ୍ରିୟା ଗୋ ସୁଖଦା

      ପ୍ରାଣେଶ୍ୱରୀ ଅର୍ଦ୍ଧାଙ୍ଗିନୀ

      ପଥ ତୁମେ କୁସୁମିତ

ତୁମେ ମଧୁଛନ୍ଦା    ଜୀବନ ମୂର୍ଚ୍ଛନା

     ଲୟ ଅପାଶୋରା ଗୀତ ।