ପ୍ରିୟା ମୋ କନକ ଗୋରୀ
ପ୍ରିୟା ମୋ କନକ ଗୋରୀ
ନଈ ସେ ପାରି ପଲ୍ଲୀ ଶେଫାଳି
ପ୍ରିୟା ମୋ କନକ ଗୋରୀ.
ମନ ଆଇନାରେ କେତେ ଛବି ତାର
ପହିଲି ଯୌବନେ ଭରି. l
ଗୋରା ମୁହେଁ ତାର ତା ସ୍ମିତ ହାସର
ଚଞ୍ଚଳ, ଚହଟ ଠାଣି.
ସୁନେଲି ସ୍ୱପ୍ନରେ ମନ ହଜୁଥିଲା
କଳ୍ପନା ରାଇଜେ ପୁଣି. l
ଆଡ଼ ନୟନା ତୋ ଚନ୍ଦ୍ରକାନ୍ତି ରୂପ
ଅଳସି ଗୋଲାପ ରାଣୀ.
ମାନସ ପଟରେ ତୁମ ସ୍ମୃତି ରେଖା
ପହିଲି ପ୍ରେମ ସାରଣି. l
ମନ ଭରିଥିଲା ହୃଦ ଭରିଥିଲା
କଳ୍ପିଲି ନୂଆ ସଂସାର.
ମୋର ନିଡ଼ ଭାଙ୍ଗି ତୁମ ନିଡ଼ ତୋଳି
ଅନାତ୍ମୀୟ ହୋଇଗଲ. l
ଆଖିରେ ଆଖିରେ ତୁମ ସ୍ମୃତିରେଖା
ଅଠିକଣା ପାଲଟିଲା.
ତୁମ ପ୍ରେମ ଆଜି ସ୍ବର୍ଗୀୟ ତୁମକୁ
ମୋପ୍ରେମ ହେଲା ଅଧୁରା. l