ପ୍ରୀତି ପାର୍ବଣ
ପ୍ରୀତି ପାର୍ବଣ
ଶ୍ରାବଣେ ଶ୍ରାବଣୀ ରୁଣୁ ଝୁଣୁ ତାନେ
ଗାଇଥିଲା କେତେ ଗୀତ
ଦେହ ମନ ତୁମ ଭିଜିଥିଲା ସଖୀ
ମନ ମୋର ହେଲା ପ୍ରୀତ I
ଅଶିଣ ଆକାଶେ ତାରାଫୁଲ ସବୁ
ଦିଶିଲେଣିି ମନଲୋଭା
ମନ ହୁଏ ସବୁ ଗୋଟି ଗୋଟି ତୋଳି
ମଣ୍ଡିଦେବି ତୁମ ଗଭା I
ଜହ୍ନକୁ ଖଞ୍ଜିବି ତୁମ ଗଳାହାରେ
ପଦକ ଗୋଟିଏ କରି
ନଈପଠା ଧାରୁ ତୋଳି ମୁଁ ଆଣିବି
କାଶଫୁଲ କେରି କେରି I
ତୁମରି ଦେହର ତୋଫା ଆଲୁଅରେ
ମଳିନ ଦିଶିବ ଜହ୍ନ
ପାର୍ବଣର ଖୁସି ମନାଇବା ଚାଲ
ଉଛନ୍ନ ହେଲାଣି ମନ I