ପ୍ରୀତି ଚୋର

ଲକ୍ଷ୍ମୀ ପ୍ରାଣଧନ ହେ ଚକାନୟନ

   ଗଳାରେ ତୁଳସୀ ହାର

ଫିଙ୍ଗିଦିଅ ହାର  ହେ କଳାଠାକୁର

   ମାତା ହେବେ ଗର ଗର

କାଳେ, ହେବ ସଉତୁଣୀ ତାର l0l

କୁଞ୍ଜବନେ ରାସ ହାସ ପରିହାସ

    ରାଧା ଗୋପାଙ୍ଗନା ନେଇ

ଯୁଗଳ ମୂରତି କୁଞ୍ଜରେ ବନ୍ଦାନ୍ତି

   ମନ କି ମାଲିଲା ନାହିଁ

କାନ୍ଧେ ଧରି ବୃନ୍ଦା ଲୁଚିଗଲ ସିଧା

   ବାଇ କଲା ପ୍ରେମ ତାର l1l

ଧରି ଜଳନ୍ଧର ରୂପ ହେ ଠାକୁର

   ହରିଲ ବୃନ୍ଦା ସତୀତ୍ୱ

ପିନାକୀ ଧାରି ତ ତାକୁ ବଧ କରି

   ଯୁଦ୍ଧେ ପାଇଲେ କୃତିତ୍ୱ

କିଏ ସେ ବୁଝିବ ତୋ ମନ ମାଧବ

   ତୁହି ଅଟୁ ପ୍ରୀତି ଚୋର l2l