ପରିଚୟ

ପରିଚୟ କଲମ ମୁନରେ ନୁହେଁ

କାରଣ କାଗଜରୁ ସ୍ୟାହି ଲିଭି ଯାଇପାରେ

ପରିଚୟ ନାମକରଣରେ ନୁହେଁ

କାରଣ ମଣିଷକୁ ମିଳେ ଗୋଟେ ହିଁ ଠିକଣା

ପରିଚୟ ମିଳେ ସେଇ ଠିକଣାକୁ ଆପଣେଇବା ପରେ

ପରିଚୟ ମିଳେ ଚାଲିଯିବା ପରେ

ମଶାଣି ଜୁଇରେ ଜଳି ପାଉଁଶ ହେଲା ପରେ

ପରିଚୟ ମିଳେ ସେତିକିବେଳେ

କୋଟି ହୃଦୟରେ ରହିପାରିଲେ ଜୀବିତ ଯୁଗଯୁଗାନ୍ତରେ

ସ୍ମୃତି ଉଆସରୁ ଶବ୍ଦ ପାହାଚରେ

ସାରସ୍ୱତ ସାଧନା ପଥେ ପାଦ ଥାପିଲା ପରେ 

ପୁଣି ସେହି ସ୍ୱପ୍ନ ରାଇଜକୁ ଫେରି 

ଟିକି ଟିକି ତାରା ଭିତରେ 

ମୋ ହଜି ଯାଇଥିବା ଜହ୍ନକୁ ଖୋଜେ

ଅଭିମାନ କରି ନୁହେଁ ବରଂ 

ଜହ୍ନ ଆଉ ଜୋଛନାର ମିଳନରେ

ପରମ ତୃପ୍ତିରେ ମୁଁ ଭିଜେ