ପରିଚୟ

ଜଡରେ ଜୀବନ ସ୍ଥାପନ କରୁ ତୁ

ଅସମ୍ଭବରେ ସମ୍ଭବ

ସାମାନ୍ୟ ଇସାରାରେ

ସରଗର ଚାନ୍ଦ ତୋଳିବାର ପ୍ରୟାସ

କରାଉ ଶକ୍ତିହୀନର ଜାଗରୁକତା ପ୍ରସ୍ଫୁଟନ

ନିରାଶା,ହତାଶାରେ ଆଶାର ଆଲୋକ

ପୁଣି କେବେ,

ସମସ୍ତ ଅବସ୍ଥିତିରେ ବି ଅନୁପସ୍ଥିତି

ବିସ୍ତୀର୍ଣ୍ଣ ଜଳରାଶିରେ ବି ମରୀଚିକା

ସୈ।ଭାଗ୍ୟ,ସୈ। ନ୍ଦର୍ଯ୍ୟ ରେ ପୁଣି

କଳୁଷତାର ଦୁର୍ଭାଗ୍ୟ

କିଏ ତୁ ସର୍ବଶକ୍ତି ଧାରିଣୀ

ଓଲଟ ପାଲଟ କରିବାର ସାମର୍ଥଧାରିଣୀ

ତୁ ତ ଶକ୍ତି ସ୍ବରୁପିଣୀ

ହେଲେ ତୋ ପରିଚୟ?

ତୁ ପ୍ରେମିକା, ଭଗିନୀ ନା ନାୟିକା

ତୁ ତ ଶିବା ଶିବଙ୍କର ପ୍ରେରଣାଦାୟିନୀ ଆଦିଶକ୍ତି

ରୂପ ତୋର ଆବଶ୍ୟକତାକୁ ନେଇ