ପରିବର୍ତ୍ତନ
ପରିବର୍ତ୍ତନ
1 min
286
ସରକାର ବଦଳିଗଲେ ବଦଳେ
ନାହିଁ ଦେଶର ଭାଗ୍ୟରେଖା
ବଦଳେ ନାହିଁ ମେହନତି ବାପୁଡା
ଜନତାର କପାଳ ଲେଖା।
ବଦଳେ ଯାହା ଶାସକ ତନ୍ତ୍ରର
ରୂପକଳ୍ପ ବାହ୍ଯ ଖୋଳପା
ବଦଳନ୍ତି ପୁଣି ନେତା ନୀତି
ବଦଳେ ପ୍ରିୟା ଆଉ ପ୍ରୀତିର ରୀତି।
ସବୁକିଛି ଚାଲେ ପୂର୍ବବତ
ଧରାବନ୍ଧା ବିଧିବିଧାନ ମୁତାବକ
ଶଗଡ଼ଗୁଳାରୁ ନାହିଁ ମୁକ୍ତି
ଏଇ ତ ଗତାନୁଗତିକ ପଦ୍ଧତି।
ଆମେ ବଦଳିଲେ ହିଁ
ଯାଇ ଏହି ଦେଶ ବଦଳିବ
ଆଗେ ଦୃଷ୍ଟି ବଦଳାଅ
ସୃଷ୍ଟି ଆପେ ଆପେ ବଦଳିଯିବ।