ପରିବର୍ତ୍ତିତ ରୂପରେ ଗୁରୁ

ଶିକ୍ଷାଦାନ କଲେ ଗୁରୁ ପଦବାଚ୍ଯ ଅକାମି ହେଲା

ଗୁରୁ ଯଦି ନିଜ ମାନ ମହତକୁ ନିଲାମ କଲା ।

ଅର୍ଥ ଲାଳସାରେ ଗୁରୁ ବିପରୀତ କରମ କରି

ଗୁରୁ ପଦବୀର ମାନ ମହତକୁ ଦେଲା ସେ ସାରି ।

ଦଣ୍ଡ ମୁକ୍ତ ବିଦ୍ୟାଳୟ କଲା ଯହିଁ ଟାହି ଟାପରା

ଶିକ୍ଷକ ବସନ୍ତି ଧାରଣାରେ ଶିକ୍ଷା ବ୍ୟବସ୍ଥା ଗଲା ।

ଆଶା ଆକାଂକ୍ଷାର ସୀମାରୁ ଉର୍ଦ୍ଧ୍ଵରେ ରହିଲେ ଗୁରୁ

ମଣିଷ ତିଆରି ବିଶ୍ୱକର୍ମା ଗୁରୁ ପଦଟି ସ୍ମରୁ ।

ମୁନି ଋଷି ଠାରୁ ବ୍ରାହ୍ମଣ ଆଚାର୍ଯ୍ୟ ବେଦର ବାଣୀ

ଭାଗବତ ଗୀତା କୋରାନ୍ ବାଇବେଲ୍ ଗୁରୁଙ୍କ ବାଣୀ ।

ଗୁଗୁଲ କି ନେବ ଗୁରୁର ଭୂମିକା କୃତ୍ରିମ ବୁଦ୍ଧି

ଦିଅଁ ଗଢୁ ଗଢୁ ମାଙ୍କଡ ଗଢିବ ନହୁଏ ସିଦ୍ଧି।

ମୋବାଇଲ୍ ଆପ୍ ଖୋଲି ଗୁରୁ ଲୋଡା ନାହିଁ ଭାବିଲେ

ବାସ୍ତବ ଶିକ୍ଷା କି ସମାଜ ପାଇବ ବିଦ୍ୟା ଜାଣିଲେ ।

ଚରିତ୍ର ଗଠନ ନୈତିକ ଶିକ୍ଷାର ଅଧୋପତନ

ଚୁଲିକୁ ଗଲାଣି ନାଗରିକ କାହୁଁ ବଢିବ ମାନ !!