ପରିବେଶର ସୁରକ୍ଷା, ପଦକ୍ଷେପ

ସୁସ୍ଥ ସମାଜ ସମସ୍ତଂକୁ ଖୁସି ଓ କଲ୍ୟାଣର 

ପଥ ପ୍ରଦର୍ଶାଏ

ବହୁବିଦ୍ଧ ଜ୍ଞାନର ସମ୍ମିଳିତ ସମନ୍ୱୟ ଶକ୍ତି 

ମଣିଷକୁ ଶିକ୍ଷା ଦିଏ ।

ସମାଜ ହେଉଛି ଏକ ଉତ୍ସର୍ଗୀୃକୃତ ଉତ୍ସାହର

ବାରିଧାରା

ରକ୍ତ ମାଂସର କାୟା ପାଇଁ ସୁସ୍ଥ ସମାଜ ତ

ଶାଶ୍ବତ ସ୍ରୋତ ଧାରା ।

ସୁସ୍ଥ ସମାଜର ଅବିଚ୍ଛେଦ୍ୟ ଅଙ୍ଗ ଅଟଇ

ସୁସ୍ଥ ପରିବେଶ 

ସମାଜ ଓ ପରିବେଶ, ସବୁ ବେଳେ ଏକ

ମୁଦ୍ରାର ଉଭୟ ପାର୍ଶ୍ୱ ।

ଦେଶର ନଦୀ ସମୁଦ୍ର ବଣ ପାହାଡ ଭରା 

ଶାନ୍ତ ସ୍ନିଗ୍ଧ ପ୍ରକୃତି

ସୁସ୍ଥ ସମାଜ ଗଠନ ପାଇଁ ଅଟେ ଅତି 

ମୂଲ୍ୟବାନ ସମ୍ପତ୍ତି ।

ଖୋଜେ ମଣିଷ ସଦା ବର୍ଷା ଭିଜା ଥିବା 

ଗୋଧୂଳି ଲଗନକୁ

ଶାନ୍ତି ପ୍ରୀତିର ଉଦ୍ଦାମ ଲହରୀ ତୋଳେ ଦେଇ

ଆନନ୍ଦ ମନ ଓ ହୃଦୟକୁ ।

ସୁସ୍ଥ ପରିବେଶ ମଣିଷକୁ ନିର୍ମଳ ପବିତ୍ରତା 

ଭାବ ଯୋଗାଇଛି

ଦୂଷିତ ପରିବେଶ ସମାଜକୁ ଧ୍ୱଂସାଭିମୂଖୀ

କରାଇଛି ।

ବେଳ ଥାଉ ଥାଉ ପରିବେଶ ଦୂଷିତ ହେବାର

କାରଣକୁ ଖୋଜିବାକୁ ହେବ

ସ୍ୱପ୍ନର ଅନ୍ୟ ଏକ କୋଣାର୍କ ଗଢ଼ିବା ପରି ମନ

ଓ ଆଶାକୁ ଦୃଢ଼ କରିବାକୁ ପଡିବ ।