Library
ପରିବେଶର ସୁରକ୍ଷା, ଏକାଠି ହେବା
ପରିବେଶର ସୁରକ୍ଷା, ଏକାଠି ହେବା
'ପ୍ରାଣ' ଚାଲେ ଜୀବ ଜଗତର 'ଶ୍ୱାସ',
ପ୍ରଶ୍ୱାସ ଓ ନିଃଶ୍ୱାସକୁ ନେଇ
ମଣିଷର ଏହି ଜୀବନ ଶକ୍ତିକୁ ପ୍ରକୃତିର
ପରିବେଶ ଦେଇଚାଲି ଥାଇ ।
ଜୀବ ଜଗତର ଉତ୍ସ ହେଉଛି ଶାନ୍ତସ୍ନିଗ୍ଧ
ପ୍ରକୃତି ଏ ଧରା ପୃଷ୍ଠର
ବଞ୍ଚିବା ପାଇଁ ପ୍ରକୃତି ଦେଇଛି ଅସରନ୍ତି
ସୌନ୍ଦର୍ଯ୍ୟର ଭଣ୍ଡାର ଘର ।
ଖାଦ୍ୟ ପାନୀୟ ଅମ୍ଳଜାନ ଯାହା ପାଉ
ତାହା ପ୍ରକୃତି କରିଛି ଦାନ
ଆନନ୍ଦ ଓ ଶାନ୍ତି ଟିକେ ଖୋଜି ପାଉ ତା
ପ୍ରକୃତିର ଶାନ୍ତ ବାତାବରଣ ।
ସେହି ବାତାବରଣକୁ ନଷ୍ଟ କରି ଚାଲିଛୁ
ଅଜଣା ଆଶାର ସ୍ବାର୍ଥପରତାରେ
କାଟୁଛୁ ଜଙ୍ଗଲ, ଗଢୁଛୁ ସୁଉଚ୍ଚ ଅଟ୍ଟାଳିକା
ସମସ୍ତ ଅବିବେକୀ ପଣରେ ।
କୁଢକୁଢ ଆବର୍ଜନା ପୂତିଗନ୍ଧମୟ ବିଷାକ୍ତ
ଦ୍ରବ୍ୟ ନଦୀ ଗର୍ଭକୁ ଛାଡୁଛୁ
ପ୍ରକୃତି ଦତ୍ତ ପବିତ୍ର ନଦୀ ଓ ଜଳଧାରା
ଗୁଡିକୁ ଦୂଷିତ କରି ଚାଲିଛୁ ।
ଅଧିକ ଅମଳ ସକାଶେ ପ୍ରୟୋଗ କରୁଛେ
ଅତି କୀଟନାଶକ ସିଞ୍ଚନ ସାରର
ରାସାୟନିକ ଅତିଶୟ ଆଣୁଛି ବିପଦ ସମସ୍ତ
ମଣିଷ, ପଶୁ ଓ କୀଟ ପତଙ୍ଗର ।
ମଣିଷର ବିଳାସମୟ ଜୀବନ ଶୈଳୀ ଓ
ଆଚାର ବିହୀନ ବିଚାର
ବୃଥାଟାରେ ଲୋପ କରିଲାଣି ଅନେକ
ଜୀବଜନ୍ତୁ ଓ ଅନେକ ଜୀବ ସତ୍ତାର ।
ବେଳ ଥାଉ ଥାଉ ହେବା ସାବଧାନ ଏହା
ହିଁ ସତ୍ୟ ଜୀବନ ଦର୍ଶନ ବାଣୀ
ପରିବେଶର ସୁରକ୍ଷା ପାଇଁ ଏକାଠି ହେବା,
ଧ୍ୱଂସକୁ ଡାକିବା ନାହିଁ ଜାଣିଶୁଣି l
