ପରିବେଶ ସୁରକ୍ଷା ଓ ଆସନ୍ତା ପିଢ଼ି
ପରିବେଶ ସୁରକ୍ଷା ଓ ଆସନ୍ତା ପିଢ଼ି
ଦେଖ ତୀବ୍ର ଗତିରେ
କଟା ହୁଏ ସବୁଜ ସୁନ୍ଦର ଗଛ
ଲତା ଜଙ୍ଗଲରେ
ଯାହା ଫଳରେ ବରଷା ରାଣୀ
ଆସୁନାହିଁ ଋତୁ ଠିକ ସମୟରେ ।
ଝରାଏ ବାରି ଯାହା ବରଷା ରାଣୀ
ସରଂକ୍ଷଣ ଅଭାବେ ଅଯଥାରେ ନଷ୍ଟ
ହୁଏ କେତେ ପାଣି,
ମନରେ ଜୀଜ୍ଞାସା ଆସେ କଅଣ କରିଲେ
ହସିବ ମାତା ଧରଣୀ ।
ଅସନ୍ତୁଳିତ ହୋଇଛି ପରିବେଶ,
ଦୂଷିତ ଅବସ୍ଥା କରିବ ମାନବ
ଜାତିର ଧ୍ବଂସ,
ମଣିଷ ମନରେ ଚାଲିଛି ଚିନ୍ତା
କିପରି ପାଇବ ସୁସ୍ଥ ପରିବେଶ ।
ହେଉଛି ପ୍ରବଳ ଆଲୋଚନା,
ଦେଖ କେତେ ପାଠୋତ୍ସବ ଓ
କବିତା ଗାନା,
କବି, ଲେଖକ, କର୍ମୀ ଓ ପରିବେଶବିତ୍
ମାନଂକ ମନ୍ତ୍ରଣା ।
ଗଭୀର ବିଶ୍ଲେଷଣ ଭିନ୍ନ ଉପାୟରେ
ପରିବେଶ ଓ ଜଳବାୟୁ ପରିବର୍ତ୍ତନ
ଉପରେ
ଜଳ, ବାୟୁ, ଜୀବ ଜୈବ ବିବିଧତାର
ସୁରକ୍ଷା କେମିତି ହେବରେ ।
ପୁଂଜିପତିର ପୁଂଜି ନିଶା ବଢିଛି
ପରିବେଶ ସହିତ ଅତ୍ୟାଚାର
ଚଳେଇଛି
ଅମାନୁଷିକ ଅତ୍ୟାଚାର ଯୋଗୁଁ
ଅନେକ ପଶୁ ପକ୍ଷୀ ବିଲୁପ୍ତ ହୋଇଛି ।
ପ୍ରଗତି ଓ ବିକାଶର ନାମ ନେଇ
ବାୟୁ, ଜଳ, ଖାଦ୍ୟ ପରିବେଶ
ଅବସ୍ଥା ଆଜି ଭଉଣୀ ଭାଇ
ପରିବେଶ ତୀବ୍ର ଗତିରେ ହୁଏ
ଦୂଷିତ, ତାହା କମିବାର ନାହିଁ ।
କାହା ମନ କାନନ ଭିତର
ପୁଂଜିପତି ଫୁଲ ଫୁଟେଇ ପାରୁନି
ତ ଖୁସିର
ଅଯଥା କାହିଁକି ତାକୁ ମଦତ୍ ଦେବା କୁହ
ଜୀବର ନୟନେ ଭରି ଅଶ୍ରୁଝର ।
କ୍ଷତ ତ ହୋଇଛି,
ସବୁ ଜିନିଷର ମୂଲ୍ୟ
ବି ଅଛି,
ଜୀବନର ମୂଲ୍ୟବୋଧକୁ
ଦୃଢ ନକଲେ ମୂଲ୍ୟ ମିଳିବକି କିଛି ।
ଅବସ୍ଥାକୁ ପରଖ କରିବା
ସାମାଜରେ ମଣିଷ ସୁଖୀ
କି ଅସୁଖୀ ଦେଖିବା
ଆସନ୍ତା ପିଢ଼ି ପାଇଁ ବଡ଼
ବିପଦଜନକ ପରିସ୍ଥିତିର
ବ୍ୟବସ୍ଥା ପାଇବା ।
ନିଜକୁ ନିଜେ ପଚାର
ପୁଂଜିପତିକୁ ଜଳ, ଜମି,
ଜଂଗଲ ବିକିବାର,
ହେଉନେକି ବଟବଣା, ଡାକି
ଆଣୁନେ କି ବାଟ ଦୂଷିତ ପରିବେଶର
ଓ ଦୁର୍ଭାଗ୍ୟର ବିଚାର ।
ଅଙ୍ଗାରକାମ୍ଳ ବଢି ଯାଉଛି ସଂସାରେ
ଅମ୍ଳଜାନ ଅଭାବେ ଦେଖ ବିଶ୍ଵ ହୁଏ
ଥରହର
ବେଳ ଥାଉଁ ଗଛ ଲଗାଇବା ନହେଲେ
ସର୍ବନାଶ ହେବ ସରବର ।