ପରିବେଶ ପରିସ୍ଥିତି

ଏ ସୃଷ୍ଟିର ସ୍ରଷ୍ଟା ଅଟନ୍ତି ମହାନ୍

ଖଞ୍ଜି ଦେଇଛନ୍ତି କେତେ,

କିନ୍ତୁ ଏ ମାନବ ନିଜ ସ୍ବାର୍ଥ ପାଇଁ

ନଷ୍ଟ କରେ ନିଜ ହାତେ ।

କରୁଛି ନିଃଶେଷ ଜଙ୍ଗଲ ଅବଶ୍ୟ

ଏ ସବୁଜ ବୃକ୍ଷରାଜି ,

କଳ, କାରଖାନା ହଜାର ,ହଜାର

ପରିବେଶ ରୁଗ୍ଣ ଆଜି ।

ବର୍ଜିତ ଅସନା ନଦୀ ମଧ୍ୟେ ମିଶି

ପ୍ରଦୂଷିତ ପରିବେଶେ ,

ଶିଳ୍ପାୟନ ଧୂଆଁ ବାୟୁରେ ପ୍ରବେଶି

ନିଶ୍ୱାସେ ପ୍ରଶ୍ୱାସେ ମିଶେ ।

ବାୟୁମଣ୍ଡଳରେ ବଢ଼ିତ ଚାଲିଛି

ଅଙ୍ଗାରକାମ୍ଳର ଗ୍ୟାସ ,

ଆବର୍ଜ୍ଜନା ପୂର୍ଣ୍ଣ ପରିବେଶ ମଧ୍ୟେ

ସଢ଼ୁଛି ଆଜି ମଣିଷ ।

ଜୀବର ଜୀବନ ଜଳ ଓ ଜଙ୍ଗଲ

ପ୍ରଗତି ପାଇଁ ରହିଛି ,

ନିର୍ବୋଧ ମାନବ ନିଜର ହାତରେ

ସବୁକିଛି ଉଜାଡୁଛି ।

କର୍ତ୍ତବ୍ୟ ଅଟଇ ସତର୍କ ରହିବା

ସମଗ୍ର ମାନବ ଜାତି ,

ନହେଲେ ଅଚିରେ ସମଗ୍ର ବିଶ୍ଵରେ

ଘୋଟିଯିବ ଅମାରାତି ।