Library
Profile
ପରିବେଶ ପ୍ରଦୂଷଣ
ପରିବେଶ ପ୍ରଦୂଷଣ
ବାୟୁ ପ୍ରଦୂଷଣ ହେଉଛି ଦାରୁଣ
ଅବ୍ୟବସ୍ଥା ଅପଘୃଣ
ଉନ୍ନତି ନାମରେ ଅବନତି ଭରେ
ଧରାଧାମେ ପ୍ରତି କୋଣ
କଳ କାରଖାନା ଗଢି ଉଠେ କୂଳେ
ନଦୀ ତୀର ଯାଏ ଖସି
ଜୀବନ ଭାସ୍ଵର ହେବ ବୋଲି ଭାବି
ଜୀବନକୁ ଦିଏ ନାଶି
ଯନ୍ତ୍ର ଆବିଷ୍କାର ନୁହେଁ କାର ଅରି
ସମନ୍ଵୟ ଥିଲେ ପାଶେ
ସମନ୍ଵୟ ରଖି ସମନ୍ଵିତ କଲେ
ପ୍ରଦୁଷଣ ଅପ୍ରକାଶେ
ଦେହ ମନଠାରୁ ପ୍ରଦୂଷଣ ସୃଷ୍ଟ
ତାପରେ ଘର ବାହାର
ଦେଇ ଯତ୍ନ ଯାର ନହୁଏ ନିକର
ନୁହେଁ ସେ ପରିବେଶର
ସ୍ଵଚ୍ଛତାର ପାଇଁ ପାଇଖାନା ଘର
କରୁଥିବା ବ୍ୟବହାର
ଏଠାରେ ସେଠାରେ ମଳତ୍ୟାଗ କରି
ହେବା ନାହିଁ ହତାଦର
ପକାଇବା ନାହିଁ ଡବା ଖୋଳ କିଛି
ରାସ୍ତା ସୁଖ ପରିଷ୍କାର
ପଲିଥିନ୍ ଯେଣୁ ପ୍ରଦୂଷିତ କରେ
ଛାଡିଦେବା ବ୍ୟବହାର
ପରିବେଶ ହେଲେ ପରିଷ୍କାରୁ ଦୂର
ଘନ ଘଟେ ଅନ୍ଧକାର
ପରିଛନ୍ନ ପାଣି ଆଲୋକ ପବନ
ସୃଷ୍ଟିର ମଙ୍ଗଳ ଧାର
ପ୍ରକୃତିର ବକ୍ଷ ପାଲଟେ ନରକ
ଦୁର୍ଗନ୍ଧରେ ଥିଲେ ପୁରି
ସୁଗନ୍ଧ ଆଣିବା ସବୁଜିମା ଭରି
ନଥିବ ଦୁଃଖ କାହାରି
କଳ କାରଖାନା କରେ ଛାରଖାର
ଗାଡି ଧୁଆଁ ପ୍ରଦୂଷିତ
ସଂକ୍ଷିପ୍ତ ହେଉଛି ବନାନୀ ସମୂହ
ସୂର୍ଯ୍ୟ ତାପ ପ୍ରଖରିତ
ଶିଳପ ବିପ୍ଳବ ଦେଇଛି
ବିଭବ
ସଂସାରର ଭୋଗ ସାରି
ପ୍ରାଚୁର୍ଯ୍ୟ ପାଇଛି ପ୍ରକୃତିକୁ ପୋଡି
ସୁରକ୍ଷା ଯାଇଛି ଚିରି
ଆମ ମାଟି ଜଳ ଆମେ ତାର ମୂଳ
ତା ସାଥେ ବାୟୁ ମଣ୍ଡଳ
ପ୍ରଦୂଷଣ ଯେଣୁ ଜୀବନ କଷଣ
ନିତି ଭେଟୁଥାଉ କାଳ
କର୍ତ୍ତବ୍ୟ ଆମର ରଖିବା ସୁତର
ପରିବେଶ ପରିଷ୍କାର
ଜାଗରତ ହୋଇ ସଚେତନ ହେଲେ
ସାଥି ହୁଏ ସରକାର
ସବୁଜ ସୁନ୍ଦର ବୃକ୍ଷ ପାରାବାର
ଅମ୍ଳଜାନେ ଭରପୂର
ସୁସ୍ଥ କରେ ତନ ଶାନ୍ତ ରଖେ ମନ
ପ୍ରକୃତିର ଏହି ଚିତ୍ର
ବୃକ୍ଷ ପାଇଁ ବର୍ଷା ବୃକ୍ଷ ପାଇଁ ବାୟୁ
ବୃକ୍ଷ ହିଁ ସବୁରି ମୂଳ
ଅଳିଆ ଆବର୍ଜନା ଘରୁ ହେଲେ ଦୂର
ସ୍ଵଚ୍ଛତାରେ ଦିଏ ତାଳ
ଏ ଭୂମି ମଣ୍ଡଳ ଜୀବ ଅନୁକୂଳ
ପଞ୍ଚଭୂତେ ତାର ସ୍ଥିତି
ମାନବର ଜ୍ଞାନ ପ୍ରଯୁକ୍ତି ବିଜ୍ଞାନ
ପ୍ରଦୂଷଣେ ହୁଏ ଇତି
ଆମ ହାତେ ଅଛି ଆମର ପ୍ରକୃତି
ବିନାଶରୁ ଅବ୍ୟାହତି
ଆମେ ହିଁ ଗଢିବା ପ୍ରଦୂଷଣ ମୁକ୍ତ
ସୁନ୍ଦର ଏହି ଧରିତ୍ରୀ
ଉଠାଅ ଅଳସ ଉଠୁ ତୁମ ଶ୍ଵାସ
ଆଣ ନାହିଁ ଆବର୍ଜନ
ଛାଡ ଧୁମ୍ର ପାନ କାଠର ଦହନ
ହ୍ରାସ ହେଉ କାରବନ
ବିଶ୍ଵ ତାପ ବୃଦ୍ଧି ବିଶ୍ୱର ବିରୋଧି
କରିବା ଆମେ ପ୍ରୟାସ
ଭବିଷ୍ୟତ ଆମ ହେବ ଆଲୋକିତ
ପାଇଥିଲେ ପରିବେଶ
ପ୍ରଶାନ୍ତ କୁମାର ହୋତା
