ପରିବାର

ସ୍ନେହ ଅନୁରାଗ , ପ୍ରୀତି ଓ ସରାଗ

ସ୍ରୋତ ଧାରେ ଯେ ପ୍ରବାହ

ଜାରି ରଖି ଥାଏ ଯାହା ଯୋଗୁଁ ହୁଏ

ଜୀବନ ଆନନ୍ଦ ମୟ ।

ପ୍ରତ୍ୟେକ ସମାଜ ବ୍ୟବସ୍ଥା ଏକକ ,

ଅନୁଧ୍ୟାନ କରି ନିତି

ଯାହାର ପ୍ରଭାବେ ମାନବ ସ୍ୱଭାବେ

ଲଭେ ଶାନ୍ତି ଓ ତୃପ୍ତି ।

 ସଦ୍ ଭାବନା ସାଥେ ସମ୍ମାନ , ଶୃଙ୍ଖଳା

 ଆହ୍ଵାନ , ଅଭି ପ୍ରେରଣା 

ସହିତ ଜଡିତ ସଦ୍ ଗୁଣ ବହୁତ

ହୁଏ ଯହିଁ ଗବେଷଣା ।

ବ୍ୟକ୍ତି ସ୍ଥିତି , ମନ , ଯହିଁ ଅନୁଧ୍ୟାନ

କ୍ଷୁଦ୍ରତ୍ତମ ଅନୁଷ୍ଠାନ

ଭାବେ , ବ୍ୟବହାର ହେଇଥାଏ ଯାର

ପରିବାର ତାର ନାମ ।

ଯେ , ସୌହାର୍ଦ୍ଦ୍ୟପୂର୍ଣ୍ଣ ବାତାବରଣ ର 

ସୃଷ୍ଟି କରି ଶ୍ରଦ୍ଧା ପ୍ରେମ

ଉଦ୍ରେକ କରାଏ ଯାହାର ସକାଶେ

ପୂର୍ଣ୍ଣ ହୁଏ ମନସ୍କାମ ।

ଆଦର , ଆଦର୍ଶ , ଉତ୍ତମ ସନ୍ଦେଶ

ଦିଏ , ମାନବୀୟ ଶିକ୍ଷା ।

ସ୍ବାସ୍ଥ୍ୟ , କଳା ଆଉ ସଂସ୍କୃତି , ଚେତନା 

ଜାଗ୍ରତ କରାଏ ନିତ୍ୟ

ମୂଲ୍ୟବୋଧର ପରିଚାୟକ ଯେ 

ସାଧଇ ସବୁରି ହିତ ।

ଅନୁଭବ ଜ୍ଞାନ ଓ କୌଶଳ ସମ୍ଭାର

ଯହିଁ ରେ ଶିକ୍ଷଣ ପାଇଁ

ଚିନ୍ତା ଓ ଚେତନା ଜାଗ୍ରତ କରାଏ

 ଅନୁଭୁତି ରାଶି ଥୋଇ ।

ଆଈ ମା' କାହାଣୀ ଆଦି ଯହିଁ ଶୁଣି

ଶିଶୁ ଜୀବନ ଆରମ୍ଭ

କରିବା ସହିତ କ୍ରମେ ସେ ପ୍ରଭୁତ

 ସହଜାତ ଭାଷା ଭାବ ।

ଭକ୍ତି ଭାବ ଢାଳି ଦିବ୍ୟ ଭାବାବଳୀ

ଯହିଁ ରୁ ଆରମ୍ଭ ହୋଇ 

ମଣିଷ ର ଚଲା , ବୁଲା , ଖେଳା , ଲୀଳା

 କୋଳାହଳ ଶିଶୁ ରଚି ।

ବିପୁଳ ବିଭା ର ଭାର ନିରନ୍ତର

 ବିକାଶ ପଥେ ସେ ଲଭେ 

ସଦସ୍ୟ ମାନଙ୍କ ମଧ୍ୟରେ ଯେ ଐକ୍ୟ

ଥିଲେ ସଭିଏଁ ସଦ୍ ଭାବେ ।

ଚଳି ଥାନ୍ତି କିନ୍ତୁ ଅନୈକ୍ୟ ର ହେତୁ

ହୁଏ ତାର ଅବ କ୍ଷୟ

ଆରପେ ସେ ନିତି ପରାଣେ ସୁପ୍ରୀତି

ସ୍ନେହ ର ଚାରୁ ଅମିୟ ।

ପରିଜନେ ଯହିଁ ସ୍ନେହେ ଥାନ୍ତି ରହି

ଶାନ୍ତି , ପ୍ରୀତି , ସ୍ରୋତ ଗଢି

 ତୋଳି ପ୍ରତି କ୍ଷଣେ ପରସ୍ପର ପ୍ରାଣେ

 ପୁଣ୍ୟ  ସାନ୍ତ୍ଵନା ଲହରୀ ।