ପରିବାର

ବାପା, ଜେଜେ ବାପା ପୁଣି କିଏ ମା, ଜେଜେ ମା

ଭାଇ ଭଉଣୀ ଏଠି ଆଉ କିଏ ଦାଦା ଖୁଡି

ଗୋଟିଏ ଛାତ ତଳେ

ସଭିଏଁ ରହନ୍ତି ମିଳି l

ସ୍ନେହ, ଶ୍ରଦ୍ଧା,ମମତା ଡୋରୀରେ

ବନ୍ଧା ସକଳଙ୍କ ପ୍ରାଣ

କେତେ ଝଡ଼ ଝଞ୍ଜା ବହିଯାଇ ଛୁଇଁ 

ହୁଏନି ସମ୍ପର୍କ କ୍ଷୁର୍ଣ୍ଣ

ପରିବାର ର ମହତ୍ୱ ଏସନ l

ସଂସାର ମଧ୍ୟେ ଘର କରିଥିଲେ

ପଥର ପଡିଲେ ସହି

ଏକଥା ଅନ୍ୟଥା ନୁହେଁ ରେ ଭାଇ

କେବେ ଶାରୀରିକ କେବେ ମାନସିକ

ସମସ୍ତ କଷଣ ଅଙ୍ଗେ ବହି l

ଗୃହ ର ମୁରବୀ ସବୁରି ଆଦର୍ଶ

ପରିବାର ର ଢାଲ ସେହି

ଆଚାର, ବ୍ୟବହାର, ତଥା ସଂସ୍କାର

ଶିକ୍ଷା ଦିଅନ୍ତି ମରମେ ଭାରି

ବାଣୀ ଗଢେ ଶୃଙ୍ଖଳିତ ଭବିଷ୍ୟତ ଆମରି l

ମନ ଜାଣି ଭଳି ଭଳି ବ୍ୟଞ୍ଜନ

ମା ଖୁଡି ଦିଅନ୍ତି ପରସି

ପର୍ବ ପର୍ବାଣୀ ଆସର ଜମିଲେ

ଘର ଅଗଣା ସୁଶୋଭିତ ଝୋଟି ଚିତାରେ

ମହାକାଇ ସୁଆଦିଆ ପିଠାପଣାର ବାସ୍ନାରେ l

ଘଟିଗଲେ କେବେ ମନମାଳିନ୍ୟ

ଜେଜେମାଆ କରନ୍ତି ମାନଭଞ୍ଜନ

ଶିଖାଇ ଦିଅନ୍ତି ଏକତା ର ମହତ୍ତ୍ୱ

ଗୋଟିଏ ବାଡ଼ି କୁ ସହଜେ ଭାଙ୍ଗିବ ତୁମେ

ବିଡ଼ାଏ ବାଡ଼ି କୁ ଭାଙ୍ଗିବାଟା ନୁହେଁ ସହଜ l