ପରିବାର -ଭାଗ(୨)
ପରିବାର -ଭାଗ(୨)
ଜନ୍ମଦାତା ଅଟେ ସବୁ ବିପ୍ଳବର,
ଅଟେ ପୁଣି ସବୁ ବିପ୍ଳବୀର
ହିଂସା, ଦ୍ଵେଷ, ପରଶ୍ରୀକାତରତା
ଚିହ୍ନ, ବର୍ଣ୍ଣ ଲେଶମାତ୍ର ନ ଥାଏ
ସୃଷ୍ଟିର ସୁନ୍ଦରତମ ଅନୁଷ୍ଠାନ
ସେ ଆମ ଘର ଆମ ପରିବାର ।
ଛଳ, କପଟୁ ରଖିଥାଏ ଯେ ଆମକୁ ଦୂର
ସ୍ନେହ, ଶ୍ରଦ୍ଧାର ବନ୍ଧନେ ଯେ
ରଖେ ଆମକୁ ନିରନ୍ତର
ଶାନ୍ତି, ମୈତ୍ରୀ, ଭକ୍ତି, ମୁକ୍ତିର ମାର୍ଗ
ଶିକ୍ଷା ଦିଏ ଯେ ଆମକୁ
ଦୀକ୍ଷା ଦିଏ ପୁଣି ନୀତି ଆଦର୍ଶର
ସେ ଅଟେ ମୂଳପିଣ୍ଡ ଏ ବିଶ୍ଵ ଜନନୀର
ସେ ଆମ ଘର ଆମ ପରିବାର ।
ଦିଏ ଅହରହ ଆମକୁ ଜ୍ଞାନ
ଅମା ଅନ୍ଧକାର ବିଶ୍ଵୁ କରିବାକୁ ଦୂର
ଯେ ସର୍ଜଇ ବିଶ୍ଵ ଭ୍ରାତୃ ଭାବ
ପରିକଳ୍ପନା କରେ ସୁନ୍ଦର ପୃଥିବୀର
ସେ ବିଶ୍ଵ ଜନନୀର ଏନ୍ତୁଡ଼ିଶାଳ
ଆମ ସୃଷ୍ଟିର ମହାଦ୍ରୁମ ଆମ ପରିବାର ।
ମନେ ନ ରଖି ଅଶାନ୍ତି
କଳହ ଦ୍ଵେଷେ ନ ମାତି
ନ ବୁଣି ବିଷ ମଞ୍ଜି ବିଭେଦତା, ବିଛିନ୍ନତା ର
ଶାନ୍ତି ଓ କ୍ରାନ୍ତିର ବାର୍ତ୍ତାବହ ସାଜି
ସାରା ବିଶ୍ଵୁ ଅନ୍ୟାୟ, ଅନୀତି,
ଦୁର୍ନୀତି ରୂପକ କ୍ଳାନ୍ତିର ଯେ କରେ ଦୂର
ସେ ଆମ ଶିକ୍ଷା, ସଂସ୍କାର,
ସ୍ନେହ, ମମତାର କେନ୍ଦ୍ର ବିନ୍ଦୁ
ସେ ଆମ ପରିବାର ।
ସବୁ ବାଦରୁ ଉର୍ଦ୍ଧ୍ବରେ
ସବୁ ହୀନମଣ୍ୟତାରୁ ଉର୍ଦ୍ଧ୍ବରେ
ଜନ୍ମଦାତା ଅଟେ ମାନବ ବାଦର
ମୁଁ ରେ ବିଶ୍ଵାସ ରଖେନା କେବେ ସେ
ବିଶ୍ବାସ ରଖେ ସେ ଆମେ ଓ ଆମର
ସମତାର ମୂଳପୀଠ, ମମତାର ମୂଳ ମନ୍ତ୍ର
ସବୁ ବାଦରୁ ଉର୍ଦ୍ଧ୍ବରେ ରହି
ପ୍ରଚାରଇ ପ୍ରସାର ଯେ ସାମ୍ୟବାଦର
ସେ ଆମ ପରିବାର ।