ଲାଇବ୍ରେରୀ
ପ୍ରୋଫାଇଲ୍
ପ୍ରେମରେ ପ୍ରେମରେ -୧
ପ୍ରେମରେ ପ୍ରେମରେ -୧
1 min
824
ଆଖି ଖୋଲା ଥାଉ କି ଅବା ନଥାଉ
ତୁମକୁ ନିଇତି ଦେଖେ
ତୁମେ ଅଛ ବୋଲି ନିଶ୍ୱାସ ଚାଲୁଛି
ଜୀବନର ସ୍ୱାଦ ଚାଖେ
ସକାଳୁ ସଞ୍ଜ ରାତିସାରା ବେଳ
ତୁମ ଭାବନାରେ ଥାଏ
ଯୁଆଡେ ଚାହିଲେ ତୁମେ ଦିଶିଯାଅ
ପ୍ରେମରେ ଏମିତି ହୁଏ
ବୋଧେ ପ୍ରେମରେ ପ୍ରେମରେ
ବୁଡ଼ି ବାର ମଜା ଇଏ ।
ଆଖିତ ଖୋଜଇ ତୁମ କୁ ଦେଖିବ
ଓଠ ଖୋଜେ ତୁମ ଛୁଆଁ
ଦେହର ଦେହଳୀ ଚାହୁଁ ଥାଏ ସଦା
ଥର ଥର ହୁଏ ହିଆ
ଲାଜ ର ଓଢ଼ଣୀ ଦେଖାଇ ହୁଏନା
ଖସି ଖସି ଯାଉଥାଏ
ସବୁ ସୁଖଭାବ ତୁମକୁ ତ ନେଇ
ପ୍ରେମର ଆରମ୍ଭ ହୁଏ ।
ପାଖରେ ଥାଅ କି ଦୁରେ ଥାଅ ସଦା
ସମୟ ମଠେଇ ଯାଏ
ପ୍ରେମରେ ପ୍ରେମରେ ଏମିତି ବୋଧେ ହୁଏ
ଦେଖେନି ବେଳ କି ଅବେଳ ସବୁଠି
ତୁମ ଛୁଆଁ ମନ ଚାହେଁ ।
କହୁଥାଏ କିଛି ବୁଝୁଥାଏ କିଛି
ମିଠା ଜହର ଆଦତ ଇଏ ।
ପ୍ରେମରେ ପ୍ରେମରେ ସବୁତ
ଗୋଲାପୀ ରଙ୍ଗ
ବଦଳିବିଯାଏ ଜୀବନ ଜିଇବା ଢ଼ଙ୍ଗ
ପ୍ରେମରେ ପ୍ରେମରେ ପ୍ରେମ ଦେଇ ପ୍ରେମ ନିଏ
ଯହିଁ ଆତ୍ମା ସହ ଆତ୍ମା ମିଶିଗଲା ପରେ
ନୂଆ ଆଶାର ଆରମ୍ଭ ହୁଏ ।
