ପ୍ରେମରାଗ
ପ୍ରେମରାଗ
ରାଣୀ ମୋର !
ତମେ ସପନରେ ଜମା
ଆସନା କାହିଁକି କୁହତ !
ହେ ମୋ
ହୃଦ ରାଇଜର ଦେବତା
ମୁଁ ଯେ ତମ
ଜାଗ୍ରତ ପ୍ରହର ମୁକୁତା ,
ତମ ନୟନର ଜ୍ୟୋତି ସବିତା
ତମ ଚେତନା ପୁଳିନ ସଳିତା
ତମ ସପନରେ ମୁହିଁ
କାହିଁକି ଆସିବି
ମୁଁ ଯେ ତମ
ଜାଗ୍ରତ ପ୍ରହର ମୁକୁତା ।
ରାଣୀ ମୋର !
ଲକ୍ଷେ ସପନର ରାଜଜେମା
ତମ ସରି ଜମା ହେବନି
ସପନରେ ତମେ
କାହିଁକି ଆସିବ
ତମେ ମୋ
ଆଲୋକ ବେଳାର ଦାମିନୀ l
ହେ ମୋ
ନନ୍ଦନ ବନର ସୌରଭ
ଆଜି ଏଇ ଲଗନରେ
ନିଅ ମୋର ପ୍ରୀତି ଚୁମ୍ୱନ l
ରାଣୀ ଗୋ ମୋର
ତମେ ପାରିଜାତ ଫୁଲ ଅନନ୍ୟା,
ତମେ ମୋ
ଜୀବନ କୁଞ୍ଜର ଲଳନା
ଆଜି ଏଇ ଲଗନରେ
ଆସ ମିଶିଯିବା
ଯଥା ସାଗର ସହିତ ଝର ଝରଣା l