ପ୍ରେମର ସ୍ୱରୂପ

ପାର୍ଥିବ ସଂସାରରେ ବିଷୟ ସମ୍ପତ୍ତି 

ପଦ ପଦବୀ ଧନ ମାନ ସବୁ ଥାଇ 

ଲାଗୁଥାନ୍ତା ଶୁଷ୍କ ମରୁ ବାଲି ଖାଲି ଖାଲି

ଯଦି ନଥାନ୍ତା ଭଲ ପାଇବାର ବନ୍ଧନ

ଏପରି ବନ୍ଧନ ଯାହା ଶିହରାଏ ତନୁମନ

ମୁକୁଳିବାର ନଥାଏ ସାମାନ୍ୟ ପ୍ରୟାସ 

ନେବାରେ ନୁହେଁ ଦେବାରେ ଥାଏ ଆନନ୍ଦ 

ହାସଲ ନୁହେଁ ତ୍ୟାଗରେ ତା'ର ସାର୍ଥକତା

ଦୁଇ ଆତ୍ମା ମିଶି ଗାଏ ମଧୁର ଗଜଲ

ମାଆର ମମତା ସିଏ ପିତାର ପାଳନ

ଭାଇ ଭଉଣୀ ମଝିରେ ରାକ୍ଷୀର ବନ୍ଧନ

ପ୍ରକୃତି ପୁରୁଷ ପରି ଅବା ପ୍ରେମୀ ଯୁଗଳ

ଜନ୍ତୁ ସହ ଜଙ୍ଗଲର ମିଳନ ପରି

ପକ୍ଷୀ ସହ ନୀଳ ଆକାଶ ପରି

ମୀନ ସହ ନଦୀର ସମ୍ପର୍କ ପରି

ଆତ୍ମା ପରମାତ୍ମାଙ୍କ ମିଳନ ପରି ପ୍ରେମ

ପାର୍ଥିବ ଆଶା ଆକାଙାକ୍ଷା ଉର୍ଦ୍ଧ୍ଵରେ 

ସାମାଜିକ ବାଧା ବନ୍ଧନକୁ ଟପି 

ପ୍ରେମ ଉଡାଏ ତା' ଜୈତ୍ର ବାନା

ବାସ୍ତବରେ ପ୍ରେମ ହିଁ ତ ଈଶ୍ବର