ପ୍ରେମର ପୁଲ୍ଲକ

ତମେ ବି ନିରବ ମୁଁ ବି ନିରବ

ନୀରବତା କୁହେ କଥା

କୁହନାହିଁ କିଛି ଶୁଣିପାରେ ମୁଁ ଯେ

ଦରଦୀ ହୃଦୟ ବ୍ୟଥା ।

କେତେ ବେଳେ ଆଖି କେତେବେଳେ ଓଠ

କରୁ ଥାଏ ଆନମନା

ଦୁଇପଦ କଥା ହେବା ପାଇଁ ସତେ 

କେତେ ମୁଁ କରେ ବାହାନା l

ହୃଦୟ ସାଗରେ ଅନେକ ଜୁଆର

ଆସି ପୁଣି ଫେରୁଥାଏ,

ତୁମ ଭାବନାରେ ହଜିବାକୁ କାହିଁ

ଏତେ ମୁଁ ଯେ ଭଲ ପାଏ l

ଦୁଇ ହୃଦୟର ଅବ୍ୟକ୍ତ ସଂଳାପ

ଗୋପନରେ ଦିଆନିଆ,

ତୁମେ ବି ଜାଣିଛ ମୁଁ ବି ଜାଣିଛି

ହୃଦୟେ ଜଳୁଛି ନିଆଁ l

ଅଜାଣତେ ମୋର ଅମାନିଆ ମନ

ତୁମ ପ୍ରତୀକ୍ଷାରେ ଥାଏ,

ନ ଆସିଲେ ତୁମେ ଦୁଃଖର ବାଦଲ

ମନ ଆକାଶରେ ଛାଏ l