ପ୍ରେମର ପରିଭାଷା
ପ୍ରେମର ପରିଭାଷା
ପ୍ରେମ ଅଟେ ସିନା ଶାଶ୍ୱତ ନିର୍ମଳ
ଗଙ୍ଗାର ପବିତ୍ର ଧାରା,
ଶ୍ରୀକୃଷ୍ଣଙ୍କ ପ୍ରେମେ ପାଗଳିନୀ ସାଜି
ରଙ୍କ ହେଲେ ରାଧାମୀରା |
ପ୍ରେମେ ଯଶସ୍ୱୀନି ଗୋପୀ ଗୋପାଳୁଣୀ
ବଂଶୀସ୍ୱରେ ହୋଇ ବାଇ,
ଯମୁନା କୂଳକୁ କଦମ୍ବ ମୂଳକୁ
ଯାଉଥିଲେ ନୀତି ଧାଇଁ |
ମଧୁର ରାଗିନୀ ସ୍ୱର ପଲ୍ଲବିନୀ
ବଂଶୀ ରାଗ ମନୋହର,
ମାୟା ମୋହନଙ୍କ ସାନ୍ନିଧ୍ୟ ନିମନ୍ତେ
ଗୋପନାରୀ ଯେ ଅଧୀର |
ଭକ୍ତ ସତେ ବାଇ ଆରାଧ୍ୟଙ୍କ ପାଇଁ
ଦର୍ଶନର ଆଶା ନେଇ,
ବାସ୍ତବ ପ୍ରେମର ପରିଭାଷା ଇଏ
ସାକ୍ଷୀଛନ୍ତି ମୀରାବାଇ |
ସ୍ଵଚ୍ଛ ହୃଦୟରେ ସମର୍ପଣ ଭାବ
ପ୍ରଭୁ ପାଦେ ରଖି ଲୟ,
ନିର୍ଭୟ ଅଭୟ ମିଳିତ ପାରିବ
ପ୍ରେମର ହେବ ବିଜୟ |