ପ୍ରେମର ପରିଭାଷା
ପ୍ରେମର ପରିଭାଷା
ଖରାରେ ଶୀତଳ ଛାଇଟେ ପ୍ରେମ l
ଜିତିବାର ସ୍ୱାଦ ଅଟେ ପ୍ରେମ l
ଗୀତର ସୁନ୍ଦର ମୂର୍ଚ୍ଛନା ପ୍ରେମ l
କବି ର ସୁନ୍ଦର କଳ୍ପନା ପ୍ରେମ l
ସନ୍ତାନ ର କୁଆଁ ଡାକରେ ପ୍ରେମ l
ମାଆର ମମତା ଅଟେଯେ ପ୍ରେମ l
ପିତାର ତାଗିଦ ଅଟେଯେ ପ୍ରେମ l
ଭାଇର ରାକ୍ଷୀର ସୁତା ରେ ପ୍ରେମ l
ଭଉଣୀ ମନର ବିଶ୍ୱାସ ପ୍ରେମ l
ସ୍ୱାମୀର ଅଭିମାନ ବୁଝାଏ ପ୍ରେମ l
ସ୍ତ୍ରୀ ର ସ୍ୱାଭିମାନ ଅଟଇ ପ୍ରେମ l
ବନ୍ଧୁଟି ବନ୍ଧୁ ର ଜୀବନ ପ୍ରେମ l
ପ୍ରେମିକା ପ୍ରେମିକ ଆତ୍ମାରେ ପ୍ରେମ l
ଈଶ୍ୱରଙ୍କ ଉପାସନା ରେ ପ୍ରେମ l
ଭକ୍ତି ଭାବା ମନ ଡାକରେ ପ୍ରେମ l
ବାତ୍ସଲ୍ୟ ମମତା ଅଟଇ ପ୍ରେମ l
ଯଶୋଦା ମନର ଚିନ୍ତାରେ ପ୍ରେମ l
ଗୋଟିଏ ଖିଅରେ ବାନ୍ଧେଯେ ପ୍ରେମ l
ମୀରା ର ଅତୁଟ ଭକ୍ତି ରେ ପ୍ରେମ l
ରାଧାର ମନରେ କୁଞ୍ଜ ଟି ପ୍ରେମ l
ଦେବଦାସୀ ନୃତ୍ୟ ଠାଣି ରେ ପ୍ରେମ l
ଶିବ ଓ ଶକ୍ତି ର ସଙ୍ଗମ ପ୍ରେମ l
ଗ୍ରୀଷ୍ମର ତୃଷ୍ଣା ରେ ଜଳ ଟି ପ୍ରେମ l
ଶୀତୁଆ ରାତ୍ରି ରେ ଉଷ୍ମତା ପ୍ରେମ l
ମନ ର ଆବେଗ ସମ୍ଭୋଗ ପ୍ରେମ l
ଦୁଃଖରେ କାନ୍ଧର ଆସରା ପ୍ରେମ l
ଖୁସିରେ ଲୁହର ଦିଟୋପା ପ୍ରେମ l
ଜୀବନ ଜିଇଁବା ଶିଖାଏ ପ୍ରେମ l
ଜୀବନ ର ଶେଷ ଆଲିଙ୍ଗନ ପ୍ରେମ l
ମାଟିର କୋଳରେ ମିଶିବା ପ୍ରେମ l
ମାଟି ଓ ଆକାଶ ମିଳନ ପ୍ରେମ l
ଚାନ୍ଦ ଓ ଚାନ୍ଦିନୀ ଅର୍ଥଟି ପ୍ରେମ l
ପୁଷ୍ପରେ ଭ୍ରମରର ଗୁଞ୍ଜନ ପ୍ରେମ l
ବର୍ଷା ରେ ମୟୂର ନୃତ୍ୟ ରେ ପ୍ରେମ l
ବୀର ଯବାନ ଙ୍କ ମାଟିର ପ୍ରେମ l
କୃଷକ ର ଚାଷ ଜମି ର ପ୍ରେମ l
ଗୋଧୂଳି ରେ ଗାଈଗୋଠ ର ପ୍ରେମ l
ସୃଷ୍ଟିର ଆଧାର ଅଟଇ ପ୍ରେମ l
ଚିରନ୍ତନ ସତ୍ୟ ସୁନ୍ଦର ପ୍ରେମ l