ଲାଇବ୍ରେରୀ
ପ୍ରୋଫାଇଲ୍
ପ୍ରେମର ଆଳାପ
ପ୍ରେମର ଆଳାପ
1 min
314
ପ୍ରେମର ଆଳାପ ଶିଖାଇଲ ମତେ
ପ୍ରୀତିର ସଂଳାପ ହୋଇ
ହୃଦୟ ମନ୍ଦିରେ ଦେବତା ସାଜିଲ
ସ୍ନେହ ର ଆଶିଷ ଦେଇ l
ପ୍ରଥମ ପରଶେ ହୃଦୟ ହରଷେ
ଅଦ୍ଭୁତ ସେ ସମ୍ମୋହନ
ଶୟନ ସପନେ ସବୁ ମୁହୂର୍ତ୍ତରେ
ଖୋଜି ହେଉଥାଏ ମନ l
ପୀରତି ର କାଳି ଅଙ୍ଗେ ଦେଇ ବୋଳି
ଲେଖିଗଲ ପ୍ରେମଗୀତି
ଶାନ୍ତ ଏ ହୃଦୟ ହୁଅଇ ଅଥୟ
ଭାବନାରେ ଉଠେ ମାତି l
କେଉଁ ପୂଣ୍ୟ ଫଳେ ଅବା ଭାଗ୍ୟ ବଳେ
ସାଥି ମୁଁ ପାଇଛି ଖୋଜି
ଗୋଟେ ଜନ୍ମ ନୁହେଁ ଶହେ ଜନ୍ମ ଯାଏଁ
ରହିବ ସିନ୍ଦୂର ସାଜି ll
