Library
Profile
ପ୍ରେମୋଦୟ ଚମ୍ପୂ (7)
ପ୍ରେମୋଦୟ ଚମ୍ପୂ (7)
1 min
165
ପ୍ରେମୋଦୟ ଚମ୍ପୂ
କବି ସୂର୍ଯ୍ୟ ବଳଦେବ ରଥ
(ଚୌପଦୀ ପ୍ରେମୋଦୟ )
(୭)
ସଖୀ
ରାଗ – ଶଙ୍କରାଭରଣ- ଆଠତାଳି
ଛାଡରେ ସଖି, ମନରୁ ତ୍ରାସ ରେ,
ଛାର ମାର ଆଉ କରିବ କିସ ରେ(ଘୋଷା)
ଛାଇପରି ରେ ତୋତେ ଅନୁସରି
ଛାମୁରେ ଥିବ ବଲ୍ଲଭ ତୋହରି (1)
ଛନ୍ଦି ବାହୁ ଜାନୁ ଯ଼ୁଗଳେ ତୋତେ
ଛାତିପରେ ଭିଡି ମାତିବ ରତେ(2)
ଛିଡିଗଲେ ଭିଡିବାର ତୋହର
ଛଳ ନକରି ବୁଝି ରାମାବର(3)
ଛଟକାକ୍ଷୀ ନବ ନାଗରୀରାଜ
ଛଡାଇବ ଟି ଆଜ ତୋତେ ଲାଜ (4)
ଛପି ଗଲାନି ଦିବାକର ଦ୍ୟୁତି
ଛଦ୍ମ ନୁହଁ ଜଗଦେବ ଭାରତୀ (5)
