ପ୍ରେମିକା

ଏ ! 

ଆସନା,

ଆରେ ମୋ ପ୍ରେମିକା ସାଜି

ଏଇ ରୂପେଲି ଜ୍ୟୋତ୍ସ୍ନା ବିଧୌତ ରଜନୀରେ

ଟପ୍ ଟପ୍ କାକରରେ ମନଭରି ଭିଜିଯିବା ।

ତମେ ମୋ ଭିତରେ ତ ମୁଁ ତୁମ ଭିତରେ

ଲୁଚି ଲୁଚି ଏଇ ପ୍ରେମକୁ ଏକ ନୂଆରୂପ ଦେବା ।

ତମେ ସାଜିବ ନାୟିକା ମୁଁ ସାଜିବି ତମ ନାୟକ

ଆଉ ଗପି ଗପି ଚାଲିବା ପ୍ରେମର ଗୀତି ।

ତୋଳିବା ପ୍ରେମର ସ୍ଵପ୍ନ ମହଲ

ଯୋଉଠି ଥିବ କେବଳ 

ତମେ ଆଉ ମୁଁ,

ଫଗୁଣର ଫଗୁରେ ରଙ୍ଗେଇ

ଗଢିବା ବିସ୍ବାସ ବନ୍ଧନ ।

ବସନ୍ତର ଫୁଲ ସମ୍ଭାରରେ

ବାସ୍ନାୟିତ ହେଉଥିବ ଏ ତନୁମନ,

ଶୀତର କୋମଳ ସ୍ପର୍ଶରେ 

ଦେହ ମନକୁ ପୁଲକିତ କରିନେବା।

ଦୁଇ ହୃଦୟ ହେବେ ଏକାକାର

ଏ ...

ଆସନା...