ପ୍ରେମୀ ଓ ସ୍ୱାମୀ
ପ୍ରେମୀ ଓ ସ୍ୱାମୀ
ପ୍ରେମୀ ଯଦି ରହେ ମନର ଭିତରେ
ସ୍ଵାମୀ ସ୍ଥାନ ହୃଦୟରେ ,
ହୃଦୟ ସଞ୍ଜତ ମନ ଆତଙ୍କିତ
ହୁଏ ବେଳେ ଅବେଳରେ ।
ପ୍ରେମୀ ସାଜିଥାଏ ପଥରର ଚୁଡ଼ି
ପ୍ରଣୟିନୀ ସାଥୀ ପାଇଁ ,
ପତି ଶୋଭାପାଏ ଶଙ୍ଖା ସିନ୍ଦୂର ରେ
ପରିଣୀତା ସୁଖ ଦେଇ ।
ପ୍ରେମୀ ଯଦି ହୁଏ ବାଡ଼ୁଅ ବେଳର
ପଟେ ପଟେ ପାଣି କାଚ ,
ସ୍ଵାମୀ ତ ହୁଅଇ ସାରା ଜୀବନର
ଶକ୍ତ ସୁରକ୍ଷା କବଚ ।
ପ୍ରେମୀଟିଏ ଯଦି ପତି ହୋଇଯାଏ
ଭାଗ୍ୟ ସୌଭାଗ୍ୟେ ବଦଳେ ,
ସାଥୀ ଚଲାପଥ କୁସୁମିତ ହେଲେ
ଶ୍ରୀ, ସମୃଦ୍ଧି , ଶାନ୍ତି ମିଳେ ।