ପ୍ରେମ

ତାଜମହଲକୁ ପଚରିନି କେବେ

ପ୍ରେମର ମାନେ ଟା କଣ

ହୁଏତ କହିବ ସ୍ମୃତିଚାରଣ

ଅବା କହିବ ସୌଧ ନିର୍ମାଣ ।

ଦର୍ଶକ କହନ୍ତି, ଖାଇଥିବ ଯିଏ ରାଣ

ପ୍ରେମ ଫଲଗୁର ପରିମାଣ

ଆଞ୍ଜୁଳେ ବିଶ୍ୱାସ ଅଣ୍ଟିଏ ଭରସା

ଏହାଠାରୁ ଆଉ କଣ?

ଭରସା ରେ ଭାସି ଜାଣ

ନିଶ୍ବାସ ରେ ଅବିଗୁଣ

ହୁଏତ ଦୁଇଟି ଅବୁଝା ମନର

ମିଶାଣ ଫେଡାଣ ଗୁଣନ ହରଣ ।

କେବେ ସମାନ୍ତର

କେବେ ଛେଦକର ଆବରଣ

କେବେବି କେନ୍ଦ୍ରରେ ଘୁରୁଥାଏ

ପର୍ଯ୍ୟାପ୍ତ ପର୍ୟାବରଣ ।

ପୁଣି କେବେ ଲୋକହସା

ପ୍ରତାରଣା ଯେବେ ସକାରଣ

ପ୍ରେମ ହୁଏ ଅକାରଣ

ହୃଦୟ ଭିତରେ କମ୍ପନ

ଦେଖି ଅବା ଦେଖାଇ ହୁଏନା

ପ୍ରତିଶୃତି ପରିଣାମର ପରିମାଣ।