ପ୍ରେମ ରଙ୍ଗ ଦେହେ ଲାଗିଲା ପରେ
ପ୍ରେମ ରଙ୍ଗ ଦେହେ ଲାଗିଲା ପରେ
ପ୍ରେମ ରଙ୍ଗ ଦେହ
ଲାଗିଲା ପରେ
ବାସ୍ତବତା ଲାଗେ ସପନ ପରି
ପୃଥିବୀଟା ଲାଗେ ସରଗପରି
ମନରେ ଭରିଛି ଅନେକ ଆଶା
ହୃଦୟେ ଭରିଛି କେତେ ଭରସା
ଇନ୍ଦ୍ରଧନୁ ସାତରଙ୍ଗେ ଆସିଲା
ବେରଙ୍ଗୀ ଜୀବନେ ରଙ୍ଗ ଭରିଲା
ଗୀତ ଗାଏ ମନ କୋଇଲି ଆଜି
ଝୁମି ନାଚିଯାଏ ପରୀଟେ ସାଜି
ଶୁଖା ମନ ଆଜି ଓଦା ହୋଇଲା
ପ୍ରେମ ରଙ୍ଗ ଛିଟାରେ ଯେବେ ଭିଜିଲା
ନଈ କୁଳୁକୁଳୁ ତାନରେ ତାର
କେତେ ସୁଖ ଆଣେ ଜୀବନେ ମୋର
ମନ ପକ୍ଷୀ ଉଡ଼େ ନୀଳ ଆକାଶେ
ପ୍ରେମ ରସେ ଭିଜି ମନ ହରଷେ