ପ୍ରେମ ରଂଗ
ପ୍ରେମ ରଂଗ
ମଳୟ ବହୁଛି
ତୋ ରୂପ ହସୁଛି
ମୋହୁଛି ସହସ୍ର ହୃଦ
ଏଇ ତ ସେଇ ପ୍ରେମ ରଙ୍ଗ
ତୋ ଓଠ କରବୀ ରଙ୍ଗ
ଏହା ମିଳନର ପୂର୍ବରାଗ
ପ୍ରସ୍ପୁଟନର ପାହାନ୍ତା ପ୍ରହରୁ
ମୁକୁଳିତ ତୋର ଦେହ
ଏହା ମୁକୁଳା ରେଣୁ ପରାଗ
ତୋର କୋମଳ ପାଖୁଡା
ଅସ୍ତ୍ରରାଗ ରଙ୍ଗ
ବେପଥୁ କଂପିତ ମାୟା
ହରିନେଲା ମନ
ଭରିଲା ନୟନ
ରୋମାଞ୍ଚେ ଶିହରୀତ ମୋର କାୟା
ଏଇ ଲଗନରେ
ଯିବି କି ସଖୀ
ଲାଜରେ ତୁ ଥିବୁ ନୟନ ମୁଦି
ତୋର ସେଇ ପ୍ରେମ ପରଶ
ପ୍ରୀତି ରଙ୍ଗରସ
ସବୁବେଳେ ଝୁରେ ମନ
ତୋ ବାହୁ ବଂଧନେ
ମୋ ଦେହ ଯେବେ
ତୋ ଉଷୁମ ପରଶ ଛୁଇଁବ
ଜଳି ଯିବି ମୁହିଁ ତିଳ ତିଳ ହୋଇ
ନିଭାଇବୁ ସଖୀ
ତୋ ଅଧର ସୁଧା ଢାଳି
ସେଇ ପରଶରେ
ମେଣ୍ଟିଯିବ ମୋର
ସବୁ ଆଶା ଆଉ ଅବସାଦ l