ପ୍ରେମ ପ୍ରାୟଶ୍ଚିତ

ଏମିତି ଲାଗୁଚି ଯାଆନ୍ତି କି ହୋଇ ମୁଁ ପାଗଳ

ଭୁଲି ମୁଁ ଯାଆନ୍ତି ସେ ଅଫେରା ଅତୀତ କୁ ମୋର

ସେଇ ଜହ୍ନରାତି ଆଉ ଶୀତୁଆ ସକାଳ

ସନ୍ଧ୍ୟା ବେଳ ଗପ ସାଥେ ସବୁ ସ୍ମୃତି ତୋର

ପାରୁନି ସହି ଆଜି ତୋର ଅଭିନୟ

ଚିହିଁ ନାହିଁ ବୋଲି ଯାହା ଦେଲୁ ପରିଚୟ

ସାଜିଛି ଆଜି ମୁଁ ଗୋଟେ ଜୀଅନ୍ତା ଶବ

ପାରୁନି ଯା ପୁରା କରି ତୋର ଅଭାବ

ଭାବିଥିଲି ଜୀବନ ରେ କରିବିନି ପ୍ରେମ

ଭୁଲ୍ ଥିଲା ମୋର, ତୋତେ ମନ ମୋର ଦେଲି

ପରିଣାମ ତାର ଆଜି ଭୋଗୁଛି ମୁଁ ଅନୁକ୍ଷଣେ 

ପ୍ରେମ ବଦଳ ରେ ତୋ'ର ଛଳନା ପାଇଲି

ମୃଗତୃଷ୍ଣା ପ୍ରେମ ତୋର ଭରିଥିଲା ଛଳନା ରେ

ମୋ ହୃଦୟ ଭଳିଗଲା ତୋ ମିଛ କାନ୍ଦଣା ରେ,  

ଜନ୍ମ ଜନ୍ମାନ୍ତର ପାଇଁଁ ସାଥୀ ହେବୁ ବୋଲି କହି

ଚାଲିଗଲୁ ପର କରି ମୋତେ ଠକି ଦେଇ

ଭ୍ରମ ହୋଇ ଭ୍ରମି ଗଲି ତୋତେ ଭାବିଲି ଗୋଲାପ

ଭୁଲି ଯାଇଥିଲି ଥାଏ ସେଥିରେ କଣ୍ଟକ

କରି ମୁଁ ନ ଥିଲି ତଥାପି କଣ୍ଟକ କୁ ଭୟ

ଆଘାତ ଦେଲା ତ ମୋତେ ତୋର ଅଭିନୟ

ଲାଗୁଛି ଏମିତି ଯାଆନ୍ତି କି ହୋଇ ମୁଁ ପାଗଳ

କ୍ଷଣ କ୍ଷଣ ମାରେ ମୋତେ ତୋ ସ୍ମୃତି ର ଜହର

ତୋତେ ଭଲ ପାଇ କରିଥିଲି ଯେଉଁ ପାପ

ଅନୁତପ୍ତ ହୃଦୟ ରେ କରେ ପ୍ରାୟଶ୍ଚିତ