ପ୍ରେମ ଓ ପ୍ରତୀକ୍ଷା
ପ୍ରେମ ଓ ପ୍ରତୀକ୍ଷା
ପ୍ରତୀକ୍ଷାରେ ତୁମ,
ଅବିରତ ଯନ୍ତ୍ରଣା,
ମୋ ହୃଦୟରେ।
ତୁମେ ବି ଖୋଜିବ
ବିଜନତାରେ,
ଶୀତ ରାତିର ଅନ୍ଧକାରରେ,
ଗ୍ରୀଷ୍ମର ଉତ୍ତାପରେ,
ବର୍ଷାର ପ୍ରକୋପରେ
ମୋ ସାହଚର୍ଯ୍ୟ,
ସମ ତୀବ୍ରତାରେ।
ତୁମେ ବି ଯିବ ସେ ସମୁଦ୍ର ତଟ
ବାରମ୍ବାର ,
କରିବାକୁ ସ୍ମୃତିକୁ କ୍ଷୀପ୍ରତର,
ନୃତ୍ୟରତ ଢେ଼ଉରେ ପାଇବ
ମୋ ପ୍ରତିବିମ୍ବ,
ଲୀନ ହେଉଥିବ ସାଗର ଗର୍ଭରେ,
ଆଉ ତୁମ ଧୈର୍ଯ୍ୟ,
ବିଚ୍ଛିନ୍ନ ହୋଇ ମୋ ଠାରୁ,
କଚାଡି ହେଉଥିବ, ବେଳାଭୂମିରେ।