ପ୍ରେମ ଇଶାରା

ଆଜି ବି ମନେ ପଡେ ସେଦିନ

ତୁମେ ଗାଧୋଉଥିଲ କୁଅ ମୂଳେ

ମୁଁ ଧୋଉଥିଲି କିଛି ବାସନକୁସନ

ଅପେରା କର କହିଥିଲ ବୋଲି ମୁଁ

ତୁମ ହିରୋଇନ କିଏ ପଚାରିଥିଲି

ଆଉ ତୁମେ ଇଶାରା ଦେଇ କହିଲ

ଆଇ ଲଭ ୟୁ ଆଇ ଲଭ ୟୁ

ତୁମେ ମୋ ହିରୋଇନ ହେବ କି

ମୋ ଆଡେ ଚାହିଁ ପଚାରିଥିଲ ବାରମ୍ବାର ।

ସତ କହୁଛି ମୁଁ ରାଣ ଖାଉଛି

ତୁମ ସହ ହୋଇଗଲା ପ୍ରେମ

ଆପେ ଆପେ ଭାରୀ ମଜାରେ

ପଡିଗଲି ତୁମ ଆଖି ଇଶାରାରେ

କରିଲି ମୁଁ ପ୍ରେମ ଭରପୁର

ଆଉ ତୁମ ପ୍ରେମ ଥିଲା ସୀମାହୀନ ।

ତୁମେ ମନେପକାଅ କି ନାହିଁ ମୁଁ ଜାଣିନି

ହେଲେ ମୁଁ ସେ ପୁରୁଣା କଥା ଆଉ ଅଶାନ୍ତି

ତୁମ ପ୍ରେମ ଅନୁରୋଧ ଆଉ ମୋ ଭିତର

ସବୁ ଲୋମ ଶିହରଣ ଖେଳିବା କଥା

ମୁଁ ଏଯାଏଁ ମନେ ରଖିଛି ଯତନରେ ॥