ପ୍ରେମ ଗୀତ

 

ସାଥିମାନେ ମୋର ପଚାରନ୍ତି ହସି

ବଳେଇ ଗଲାଣି ବୟସ

କେମିତି ଲେଖୁଛ ପ୍ରେମ ଗୀତ ଏତେ

 ପାଇ କହା ମିଠା ପରସ ?

 ଲାଜ ଲାଗୁଅଛି ପ୍ରେମ କାହାଣୀ ମୋ

କାଆଗେ କହିବି କେମିତି

କାହାକଥା ଭାବି ନୂଆନୂଆ ଗୀତ

ଲେଖୁଛି ନିଇତି ଏମିତି ।

 କେମିତି ବୁଲୁଛି ଭାବନା ରାଇଜେ

  କାହା କଥା ଭାବିଭାବି

  କିଏସେ ରୂପସୀ ସପନରେ ଆସେ,

  ଆଖିରେ ନାଚେତା ଛବି !

ଆଦ୍ୟ ଯଉବନ ପୁଲକ ସିଏ ମୋ

ପ୍ରିୟା ମୋର ପ୍ରାଣ ସଖୀ        

Advertisement

;                          ଜୀବନସାଥିମୋ ପାଇଛି ଯାହାକୁ

ସାତଦୀପ ସାକ୍ଷୀ ରଖି।

ଦେହ ସିନା ଏବେ ଅବସ ହେଲାଣି

ମନତ ରଙ୍ଗିଆ ଘୋଡା

ପ୍ରିୟା କଥା ଭାବି ସପନରେ ହଜେ

ବୟସ ହେଲେବି ବୁଢା ।

ପାଖେ ଥିଲେ ନିତି କଥା କଟାକଟି

ଦୂରେ ଗଲେ ମନ ଝୁରେ

ଏକା ରହିବାକୁ ସାହସ ପାଉନି

 ଚେଇଁଚେଇଁ ରାତି ସରେ ।

ମାନ ଅଭିମାନ ମୁହଁ ଫୁଲାଫୁଲି

ତଥାପି ଉଛୁଳେ ପ୍ରେମ

ସେଇ ପ୍ରେମ କଥା ଗୀତ ହୋଇଯାଏ

ଇଏତ କବି ର ଧର୍ମ ।