ପ୍ରେମ ବିରହ
ପ୍ରେମ ବିରହ
ପ୍ରେମ କେବେ ହଜେ ନାହିଁ ଥିଲେ ଥାଉ ଯେତେ ବ୍ୟଥା
ଝରି ଯାଏ କୋହ ଲୁହ ହୋଇ ଅବ୍ୟକ୍ତ ସେ ନିରବତା
ଦୋଷ ଦେବିନି ମୁଁ ତୁମ ବିରହରେ ନିସର୍ତ୍ତ ଥିଲା ପ୍ରେମ
ମାନ ଅଭିମାନ କରି ଦୁନିଆରେ କିଆଁ ହେବି ବଦନାମ ।।
ଦୁହେଁ ଦେଖିଥିଲେ ଯେତେ ସବୁ ସ୍ଵପ୍ନ କାଚଘର କିସେ ଥିଲା
ବହିଗଲା ଝଡ ଭାଙ୍ଗିଗଲା ନୀଡ ବିହି ଦାଉ କେମିତି ସାଧିଲା
ସାତଜନ୍ମ ପାଇଁ ମନ ଦିଆ ନିଆ କେମିତି ପାଶୋରି ଦେଲ
ତୁମବିନା ସାଥି ବଞ୍ଚିଛି ଯେମିତି ଜୀବନ ଲାଗେ ବିଷ ତୁଲ ।।
ପ୍ରତୀକ୍ଷା ଏ ସତେ ଅପାଶୋରା କେବେ ହୋଇବ ଆମ ମିଳନ
ନିଦାଘ ନ ବାଧେ ବରଷା ବତାଷି ଛାତି ଥରାଏ ସ୍ମୃତି ଫଗୁଣ
ଅଫେରା ଅତୀତ ଆଜି ଅସହଣି ଫେରିବକି କୁହ ଇଶାରାରେ
ହେ ପ୍ରିୟବର ପ୍ରାଣ ଠୁ ନିଜର ଆଉ କାହାକୁ କି ଭାବି ପାରେ।।
ପ୍ରୀତି ପାରାବାର ତହିଁରେ ଜୁଆର ଦୁଇ ପ୍ରାଣ ଏକ କରିଦିଏ ଫେରିଆସ ଛାଡ଼ି ପରବାସ ଚାହିଁଛି ତୁମକୁ ଚାତକ ପରାଏ ।।
#SM Boss