Library
ପ୍ରଚାର ପ୍ରସାର
ପ୍ରଚାର ପ୍ରସାର
ଆଜିକାଲି ଭାଇ ଯୁଆଡେ ବି ଦେଖ
ସିଆଡେ ଚାଲେ ପ୍ରଚାର
ଗଳିକନ୍ଦି ହାଟ ବଜାର ନଗର
ସହରେ ତାର ପ୍ରସାର ।
ଡାକ ବାଜି ଯନ୍ତ୍ର ସାହାଯ୍ୟରେ ନେତା
ପ୍ରଚାର କରଇ ତାର
ସାଥେ କେତେ ଲୋକ ଧରି ବୁଲି ତାକୁ
କରଇ ସିଏ ପ୍ରସାର ।
ପ୍ରଚାର ପ୍ରସାର ଏକ ସାଥେ ହେଲେ
ମନକା ହାଲକା ଲାଗେ
ହୃଦୟ ଭିତରେ ଜିତିବାର ନିଶା
ଆଶାଟି ତାହାର ଜାଗେ ।
ପ୍ରଚାର ପ୍ରସାର ବେତାର କେନ୍ଦ୍ରର
ଦେଶ ବିଦେଶର କୀର୍ତ୍ତି
କେତେ ସେ ଖବର ଜଣେଇ ଥାଏ ଯେ
କେତେ ବି ଅଭୁଲା ଖ୍ୟାତି ।
ଦୂର ଦର୍ଶନ ଓ ସମ୍ବଦ ପତ୍ର ବି
ପ୍ରଚାର ପ୍ରସାର କରେ
ବିନା ପ୍ରଚାରରେ ନିଜ ଅହଂମିକା
ନା କିଐ ବଢାଇ ପାରେ ।
ପ୍ରଚାର ପ୍ରସାର ଭଲ ଥାଏ ପୁଣି
ମନ୍ଦ ବି ତ ହେଇଥାଏ
ରାଗ, ଈର୍ଷା, ଗର୍ବୀ, ଖଳ ,କୂଟ ନୀତି
ନେତା ରାଜନେତା ଥାଏ ।
କାହାର ସୁନାମ କାହାର ଦୁର୍ନାମ
ଦେଶରେ ପ୍ରଚାର ହୁଏ
ଧୀରେ ଧୀରେ ସିଏ କାୟା ତା ବିସ୍ତାରି
ସାରା ବିଶ୍ବ ବ୍ୟାପି ଯାଏ ।
ପୁରାଣ, ଭୂଗୋଳ ,ପୋଥି ଇତିହାସ
ଯାହାକୁ ବା ଲକ୍ଷ୍ୟ
ସବୁଠି ଦେଖିବ ସବୁଠି ପାଇବ
ପ୍ରଚାର ପ୍ରସାର କକ୍ଷ ।
ଆଜିକାଲି ପରା ଚାରିଆଡେ ବ୍ୟାପି
ଯାଇଛି ଏହାର ନାଆଁ
ପ୍ରଚାର ପ୍ରସାର ବିନା କିଏ କେବେ
ନା ବଢାଇଛି ଦୁନିଆ ।
