ପର୍ବପର୍ବାଣୀ

ପ୍ରତି ଦେଶ ଓ ରାଜ୍ୟରେ ପର୍ବପର୍ବାଣୀ

ପାଳନରେ ଥାଏ ଭିନ୍ନତା,

ନିଜ ଦେଶ ଓ ରାଜ୍ୟର ପର୍ବପର୍ବାଣୀ

ପାଳନରେ ଥାଏ ମହାନତା ।

ପର୍ବପର୍ବାଣୀ ଦିଏ ନୂତନ ଶିକ୍ଷା

ଜଣାଇଦିଏ ସଂସ୍କୃତିର ଗାଥା,

ପ୍ରଥା ପରମ୍ପରାକୁ ଉଜ୍ଜୀବିତ କରି

ଜନ ମାନସରେ ପଠାଏ ବାର୍ତ୍ତା ।

ମାତ୍ର ଆଜିର ବ୍ୟସ୍ତ ବହୁଳ ଜୀବନେ

ଉଜୁଡ଼ି ଗଲାଣି ସଂସ୍କାରର ବାତାବରଣ,

ପର୍ବପର୍ବାଣୀ ତ ଦୂରରେ ଥାଉ

ବାର ତିଥି ପାସୋରାକୁ ନାହିଁ ନିରାକରଣ ।

ବଞ୍ଚାଇ ରଖନ୍ତି କେତେ ପର୍ବ ପର୍ବାଣୀକୁ

ଗ୍ରାମ୍ୟ ଜୀବନେ ଅତିବାହିତ ଜନ,

ସହରୀ ଅଞ୍ଚଳ ଜୀବନ ଯାପନେ

ପରବ ପାଳନକୁ ନଥାଏ ମନ ।

କଟି କଟି ଗଲାଣି ପରବ ତିଥି

ମାଡ଼ି ମାଡ଼ି ଆସିଲାଣି ବହୁ ଦିବସ,

ପଖାଳ ଦିବସ,ମାଣ୍ଡିଆ ଦିବସ

ବହୁ ଦିବସ ଦିନେ ଲାଗେ ସରସ ।

ଦିବସ ପାଳିବା ପରବ ପାଳିବା

ଅଣଦେଖା କିଛି ନ କରିବା,

ସଂସ୍କୃତି ବଞ୍ଚିଲେ,ପ୍ରଥା ବି ବଞ୍ଚିଲେ

ତେବେ ଯାଇ ଭ୍ରାତୃଭାବ ପାଇବା ।