ପ୍ରଭୁ

                          

ଜଗତରେ ସବୁଠୁ ବଳବାନ ଅଟେ ଏହି ମନ 

ଦାୟୀ ଏଥିପାଇଁ ମନୁଷ୍ୟର କର୍ତ୍ତାପଣ ।

ପ୍ରଭୁ ଯେତେ ଚେଷ୍ଟାକଲେ ମନକୁ ନକରିପାରେ ବଶ 

ଗଡି ଗଡି ଚାଲେ ସମୟର ଚକ ବଢେ ମଧ୍ୟ ବୟସ ।

ଏହି ମନ ପାଇଁ କୁରୁକ୍ଷେତ୍ରେ ଶିକ୍ଷା ଦେଲେ କେଶବ 

ଯେତେବେଳେ ତୃତୀୟ ପାଣ୍ଡଵ ନଧରିଲେ ଗାଣ୍ଡୀବ   ।

ଅଭ୍ୟାସ ବୈରାଗ୍ୟ କରିବାକୁ ଦେଲେ ଉପଦେଶ 

ସମଗ୍ର ମାନବ ସମାଜକୁ ଏହା ଥିଲା ଧନ୍ୟ ଉପଦେଶ ।

ମୁ ବି ଚେଷ୍ଟିତ କରିବାକୁ ବଶ ଏହି ଚଂଚଳ ମନ 

ଚେଷ୍ଟା କରୁଛି କରୁଥିବି ଜାଣନ୍ତି ଚକାନୟନ ।

ଦିଅ ହେ ଆଶିଷ ଆହେ ଜଗନ୍ନାଥ ସ୍ଥିର ମନ ଆମ ହେଉ 

ଧୀରେ ଧୀରେ କରି ମନରୁ ଆମର ବିଚଳିତ ପଣ ଯାଉ ।