ପ୍ରଭାତ ସଂଗୀତ

          ପ୍ରଭାତ ସଂଗୀତ
          ==========
ପାହିଲା ଶର୍ବରୀ ଉଠ ନରନାରୀ
      ରାବନ୍ତି କାକ କୋକିଳ l
ଉଦୟାଚଳରେ ଭାନୁଙ୍କ ଆଗମେ
       ଚନ୍ଦ୍ର ଗଲେ ଅସ୍ତାଚଳ ll
ପ୍ରାଚୀ ଗଗନରେ ଦପ ଦପ ଜଳେ
       ସୁନ୍ଦର ପ୍ରଭାତୀ ତାରା l
ମଳୟ ମରନ୍ଦ, ବହେ ମନ୍ଦ ମନ୍ଦ
      ଆନନ୍ଦ ଅଧିରା ଧରା ll
ଚକୋର ଦମ୍ପତ୍ତି ଆନନ୍ଦିତ ଅତି
       ଚାହିଁ ପଦ୍ମିନୀ ରମଣ l
ଟଗର, ତରାଟ, ମଲ୍ଲି, ପ୍ରସ୍ଫୁଟିତ
      ସରସୀରେ ଅବ୍ଜ ଗଣ ll
ମାମୁଁଘର ଗୋଠେ ଗାଈଥିଲେ କାହିଁ       
     ରାତିପାହି ଗୋଟେ ନାହିଁ l
କାଳିଆ ବଳିଆ କିବା ଘେନିଗଲେ     
       ବୃନ୍ଦାବନକୁ ଚରେଇ ll
ମାଆ ସରସ୍ୱତୀ ଗାଆନ୍ତି ପ୍ରଭାତୀ
      ଉଠରେ ବାଳକେ ଉଠ l
ମାଆଙ୍କ ଚରଣ କରି ସୁମରଣ
     ଆରମ୍ଭ କରରେ ପାଠ ll
ନୀଳାଚଳ ପତି ତେଜିଣ ସୂପାତି
      ବିଜେ ରତନବେଦୀରେ l
ମଣିମା ମଣିମା ଗୁହାରୀ ଶୁଣିମା
      ଜୟ ଜଗଦୀଶ ହରେ ll
ନିଶି ନାଶ ଗଲା ଦିବା ପ୍ରକାଶିଲା
       ଉଦେ ପ୍ରଭୁ ଦିବାକର l
ସୃଷ୍ଟିର କାରଣ ହେ ଦେବ ତପନ
     ଘେନ ମୋର ନମସ୍କାର ll
             🙏🙏🙏
                 ଅର୍ଜୁନୀ
               ---------------
 ଅର୍ଜୁନୀ ଚରଣ ବେହେରା
 ମୋ -7693091971