ପ୍ରାୟଶ୍ଚିତ

ହଜି ଯାଇଥିବା ଚିଠିକୁ

ଖୋଜି ଆଣିବାର ପ୍ରୟାସ

ଭୁଲି ଯାଇଥିବା ପ୍ରେମକୁ

ମନେ ପକାଇବାର ନାଁ ତ ପ୍ରାୟଶ୍ଚିତ ।

ପ୍ରାୟଶ୍ଚିତରେ ନ ଥାଏ ମିଛ ଆତ୍ମ-ବଡ଼ିମାର ସ୍ଥାନ

ଥାଏ ଭଙ୍ଗା ଆଇନାକୁ ଯୋଡିବା ର ସ୍ବପ୍ନ ।

ଭଙ୍ଗା ହୃଦୟକୁ ସିନା

ଯୋଡ଼ି ପାରେନା ପ୍ରାୟଶ୍ଚିତ

ହେଲେ ଦୁଃଖ ଭରା ହୃଦୟରେ

ଭରିଦିଏ ମିଛ ଆଶ୍ୱାସନା। 

ନିଦ ଆସୁ ନ ଥିବା ଆଖିର ଚାହାଣିରେ ତ

ଥାଏ ପ୍ରାୟଶ୍ଚିତ ।

ଅତୀତରେ କରିଥିବା

ପାପର ମୂଲଚାଲ କରିବାର ନାଁ ତ ପ୍ରାୟଶ୍ଚିତ। 

ନିଜ ଆତ୍ମା ଉପରେ

ଆତ୍ମାର ଅଭିମାନ ର ନାଁ ତ, ପ୍ରାୟଶ୍ଚିତ। 

ନିଜ ଭୁଲ୍ କୁ ବୁଝି

ଅନୁତାପ କରିବାର ନାଁ ହିଁ ପ୍ରାୟଶ୍ଚିତ ।