ପ୍ରାସଙ୍ଗିକତା
ପ୍ରାସଙ୍ଗିକତା
କବିତା - ପ୍ରାସଙ୍ଗିକତା
ରଚନା - ପଞ୍ଚାନନ ଜେନା
ତାରିଖ - ୦୬-୦୩-୨୦୨୪
ଫୁଲ ଫୁଟିଲେ ବଗିଚାରେ କି ସାର୍ଥକତା
ଯଦି ସୁବାସ ନ ଚହଟିଲା ଚଉପାଶ
ଫଳ ଫଳିଲେ ଗଛରେ କି ଯଥାର୍ଥତା
ଯଦି ନଇଁ ନ ଠାରିଲା ହେ ଜଗଦୀଶ
ବାକ୍ୟ ସ୍ଫୁରିଲେ ତୁଣ୍ଡରେ କି ମାଦକତା
ଯଦି ଜନ ମନ ଭରଣ ହରଣ ନ ହେଲା
ଗୀତ ଗାଇଲେ ମୁଖରେ କି ବିବିଧତା
ଯଦି ସୁଧିବୃନ୍ଦ ମନ୍ତ୍ରମୁଗ୍ଧ ନ କରି ପାରିଲା
ଅରଣ୍ୟରେ ଲମ୍ବା ବୃକ୍ଷ ହେଲେ କି ମହାନତା
ଯଦି ଚଢ଼େଇଟେ ବସା ବାନ୍ଧିବାକୁ ନାକ ଟେକିଲା
ନଈଟେ ଅଙ୍କାବଙ୍କା ଉସାରିଆ ହେଲେ କି ବଦାନ୍ୟତା
ଯଦି ପ୍ରଦୁଷଣମୁକ୍ତ ମିଠା ପାଣି ନ ଦେଲା
ମୌସୁମୀ ବର୍ଷିଲେ ଗର୍ଜିଲେ କି ମୂଷଲତା
ଯଦି ଭୁଇଁ ନ ଭିଜିଲା ଚାଷ ନ ହେଲା
ସମୀରଣ ମନ୍ଦ ମନ୍ଦ ବହିଲେ କି ସରସତା
ଯଦି ଚୂର୍ଣ୍ଣ କୁନ୍ତଳ ମୂଳେ ଭଉଁରୀ ନ କଲା
ଯତନେ ସାଇତା ସଂପଦ କି ଅବଶ୍ଯକତା
ଯଦି ବିପଦେ ଆପଦେ କାମରେ ନ ଲାଗେ
ସଖା ମିତ୍ର ସାଙ୍ଗ ସୋଦର କି ପ୍ରାସଙ୍ଗିକତା
ଯଦି ଆକସ୍ମିକ ସ୍ଥଳେ ଦର୍ଶନ ଦୁଃର୍ଲଭ ନ ବାଗେ ।